ترى الدنيا مدارس والبشر ياصاحبي طلاب = ومناهجنا الظروف اللي مع الدنيا نمربها
أحد يرسب وأحد ينجح وأحد صادق وأحد كذاب = وأحد ماسرته دنياه والجنه يفوزبها
تعلمنا من الدنيا دروس(ن)ماحوها كتاب = وتبقى دروسنا في صدورنا نحفظ مذاهبها
تعلمنا الصبر فالوقت بالحكمه لبسنا ثياب = كسبنا الطيب والعفه من الدنيا وتجاربها
عرفنا كيف نصمد لظروف اللي علينا صعاب = عرفنا كيف دنيانا تورينا عجايبها
عرفنا كيف نحسب لظروف القاسيات حساب = عرفنا كيف عاقلها وجاهلها نخاطبها
عرفنا كيف نتحاشى من الزله وسم الداب = تعلمنا من الدنيا وجبنا من مكاسبها
تعلمنا من الدنيا وشفنا أن الحياه أسباب = وهذي حالت الدنيا نعيشبها نموتبها