يا ليتني بالعين ما شفت زوله=جدد جروح(ن)بالحشا مستكنه
ودي أطوله بس ماني بطوله=والا أنا مشتاق للقرب منه
حدتني الأقدار لكون حوله=والروح عطشانه لذوقه وفنه
سحرني بذوقه وحسنه وقوله=لكن حداني شاين البعد عنه
يا حلو منطوقه وزين معقوله=مشك في وده ولا فيه ظنه
لقيت حلمي فيه بعرضه وطوله=جنة غرامي كان للحب جنه
أحب طبعه وأتعشق ميوله=أحلامي اللي تطلبه ياجدنه
يرضي فضولي مثل مرضي فضوله=أعطيه يعطيني ولافيه منه
شوقي رسولي مثل شوقه رسوله=وأحلامنا ونات ونة بونه
غرامنا ما حال ذالحين حوله=توه صغير(ن)في حساب الأجنه
تو إمتطينا بالليالي خيوله=تركض خيول العشق من غيرأعنه
أطلب رضاه ولا أتحمل زعوله=حتى الهجوس أخاف لا يزعلنه
أكبر ذهولي بالهوى من ذهوله=خوفي من الأفكار لا يتعبنه
مدري متى ما نرتجي به ننوله=قبل العمر آهاتنا يقتلنه
وإن كان طال الوقت وأبطت حلوله=تكفين يا الأيام لا تقهرنه

المشاركة الأصلية كتبت بواسطة المحترف العجيب (المشاركة 43892) صح لسانك وعلا شأنك قصيده جميلة وننتظر جديدك

المشاركة الأصلية كتبت بواسطة الـسـيـف (المشاركة 43899) صح لسانكـ وكالعادة تنثر لنا ماهو جميل ومميز تحيآتي

المشاركة الأصلية كتبت بواسطة دليل القوافــل (المشاركة 43925) صح لسانك نص رائع الله يعطيك العافية لك التحية

المشاركة الأصلية كتبت بواسطة المستشــار (المشاركة 43940) الله الله كعادتك مبدع الله يعطيك العافية لك التحية

صح بدنك

سعدت بتشريفك وردك

لك

التحية