خلي قليلٍ(ن)بالعذارى حلاياه=وفوق الحسن نادر وربي وفاها
من حسنها حتى الجواهر تمناه=لو عانقته يزيد زاهي حلاها
أحدٍ ليا لبس الجواهر بتزهاه=وأحدٍ ليا لبس الجواهر زهاها
هذا حبيبي من أول العمر لأتلاه=قلبي هواها والفكر ما غواها
أحب شكله وأتمقل بعيناه=وأحب صوت الغنج لامن غشاها
أجمل زمان العمر وأحلاه وأصفاه=لا من قضيته في زماني معاها
وأتعس زمان العمر وأخبثه وأقساه=لن حالت الأحول ماقدر أراها
أنا أشهد إنه علة القلب ودواه=مالي دوا لجروحي إلا دواها
قبل هواها ما عرف قلبي الآه=ماهزني بالحب عذرى سواها
لا تنشدوني ليه بالذات بهواه=يأهل الهوى ياحلو جاير هواها
يا عل كل البيض بالعون تفداه=والمال يفداها وروحي فداها
فيها جميع اللي خيالي توراه=الفكر والأحلام هي منتهاها
هي غايتي وأخر طموحي بلقياه=اللي تعب قلبي وهو ما لقاها
ويلاه من نار الهوى الف ويلاه=في داخلي يشتب واهج سناها
لامن ذكرت البعد وظروف تحداه=وأنا بعد محدي بماهو حداها
كن المواجع تنتل القلب باقصاه=أون وجروحي تعاني عناها
الشوق والحرمان عين المعاناه=لقلوب عشاقٍ(ن)تزايد غلاها
يامالكي بالحسن والذوق عزاه=طالت مواجعنا ويكبر بلاها
هواك حاكمني ويا زين مأشهاه=مشاعري من نبع حبك رواها
مهما يطول البعد ماوالله أنساها=أموت وأبعث والعقل ما نساها
خلي قليلٍ(ن)بالعذارى حلاياه=وفوق الحسن نادر وربي وفاها

صحت ابدانكم جميعا



سعدت بحضوركم وردكم الطيب