القوافل العربية - طريقة كرات الكيك المغلفه بالشوكلاه ..او الترافيل ،،

http://imagecache.te3p.com/imgcache/...457c300a9a.jpg

الاغراض اللي بتحتاجينها :

علبه وحده كيك جاهز اي نكهه جوكلت او فراوله او فانيلا الي يعجبك
كريمة الجبن او اي كريمه
400ج جوكلت خاص بالطبخ (نوعيه جيده )
اعواد المصاص او اعواد الباربيكيو ( الاستغناء عن العود)
سباركلز للزينه

مقادير كريمة الجبن:
50 غرام زبده ( مايعادل نص اصبع واحد فقط) بدرجة حرارة الغرفه
نص كوب جبن فيلادلفيا او كيري (7 حبات ) بدرجة حرارة الغرفه
كوبين سكر ناعم
ملعقه صغيره فانيلا

الطريقه:
اخبزي الكيك بنفس الطريقه الموضحه عالعلبه ..

http://imagecache.te3p.com/imgcache/...3233139185.jpg

في اثناء ماتكون الكيكه فالفرن حضري الكريمه
( بخفق الزبده والجبن والفانيلآ واخر شي السكر الباودر بالتدريج )
اتركي الكريمه على جنب

وبعد ماتبرد الكيكه فتتيها باليد او بمكينة الفود بروسسر

http://imagecache.te3p.com/imgcache/...0d3b3a4db0.jpg

http://imagecache.te3p.com/imgcache/...25ece8bf57.jpg

بالتدريج ضيفي الكريمه على الكيك وحركي بالشوكه (--- بالتدريج----)
اعجني باليد علي خفيف لين ماتتشكل عندج مثل العجينه
وتقدرين تشكلين منها كور متماسكه نوعآ ما
مرات نحتاج نبرد العجينه ..فنخليها نص ساعه فالثلاجه !

http://imagecache.te3p.com/imgcache/...976c3b33fc.jpg

http://imagecache.te3p.com/imgcache/...d8d47bd953.jpg

كوري العجينه كور بالحجم الوسط ( تقريبآ اصغر من كرة تنس الطاوله)
بتكفي العجينه تقريبآ ل 50 حبه ..
ثبتي عليهم العيدان ..
( تقدرين تستغنين عن العود ووقت التغميس ترفعين كل كوره بالشوكه )

http://imagecache.te3p.com/imgcache/...a57facdb3a.jpg

حطيهم في صينيه فيها ورق زبده ..وخليهم فالفريزر 20 دقيقه تقريبآ

طلعي الصينيه من الفريزر
ذوبي الجوكلت المكسر ( ابيض او بني ) في المايكروييف
لمدة 50 ثانية على قوه متوسطه

http://imagecache.te3p.com/imgcache/...ec5715dc44.jpg

غمسي كل حبه بالجوكلت ..
( اهم شي مايكون الكيك مثلج او باااارد وايد زياده عن اللزوم )
ولو نسيتيه فالفريزر طلعيه وقت التغميس
وانتظري لحد ماتكون برودته معتدله
... هاي سر من اسرار التغليف الجيد..
واذا جمد الجوكلت معاج وانتي تغمسين
حطي نقطة زيت عادي للجوكلت وبيرجع طبيعي ،،
تحملي تضيفين ماااي خطأ كبير وبيخترب عندج الجوكلت ،،،

هاي سر ثاني

http://imagecache.te3p.com/imgcache/...fbf519001f.jpg

رجعي حطي الحبه المغلفه في ورق زبده
ورشي السباركلز من فوق قبل لا ينشف الجوكلت

http://imagecache.te3p.com/imgcache/...c3c9003fc5.jpg

في نوعين ..نوع بالجوكلت من داخل
ونوع بالفانيلا من داخل

http://imagecache.te3p.com/imgcache/...c9868068ce.jpg

http://imagecache.te3p.com/imgcache/...ad7b10b7ae.jpg