أمانة الله يا هوا مر ديرته=مر بغلايه بس بينك وبينه
قل له ترى صاحبك من شاف صورتك=حلو الكرا والنوم ما طب عينه
قل له ترى صورتك بلحيل سرته=والله على لهف(ن)بقلبه يعينه
قل له تركته في معاناة حيرته=وده بقربك بس قصرت يدينه
قل له ترى بيموت من زود غيرته=لكن يكتم ما يبيح كنينه
بلغه مالي سيرة(ن)غير سيرته=وأشواق قلب(ن)ما يبطل حنينه
يهيم بطيافك ليا يوم مرته=يرجف لها قلبه ويكثر ونينه
ما كنها الا فوق الأشواك جرته=مدري جروح(ن)في خفوقه دفينه
يسبح مع الأحلام لو كان غرته=تكفا دخيلك يا غلا لا تهينه
وأرجع علي وهات لي من مبرته=ما جاد به مضنون قلبي يا زينه
حتى ولو رسمة رسمها بحمرته=تعبير عن ود وغلا خابرينه
ما ودنا بشيء يسبب مضرته=والا يخالف للعوايد ودينه

المشاركة الأصلية كتبت بواسطة عذبة الالحان (المشاركة 40110) صح لسانك بن هليل كلامات في غاية الروعه رومنسيه حالمه من شاعر مثلك يسلمو هاليدين ولا عدمنا جديدك

المشاركة الأصلية كتبت بواسطة القنـــــاص (المشاركة 40146) بلغه مالـي سيرة(ن)غيـر سيرتـه وأشواق قلب(ن)مـا يبطـل حنينـه الله الله نص رائع الله يعطيك العافية لك تحيتي