ياليل سلم والخلايق نياما=على وليفٍ(ن)حايل البعد دونه
مبعد عن عيوني حسين الكلاما=وأنا بعيدٍ(ن)عن مشاهد عيونه
بلغه عني بعد رد السلاما=ماني بخير وصاحبي ويش لـونه
بعده معقب في خفوقي سقاما=حار المداوي بالخفوق وجنونه
مابه مداوي للهوى والغراما=إلا عشيرٍ(ن)ساحرتني فنونه
طيفه يجيني بالصحو والمناما=جالب لنار الشوق وأنا زبونه
أساهر لطيفه شهور وعواما=العمر كله ما يساوي بدونه
هواه جنة لو هجره حراما=كان الله بعوني وربي بعونه
أرواحنا بالعشق ولهى هياما=والبعد ما يرحم قويه طعونه
بعد المسافة والزمن للحلاما=كابوس مثل اللي ثقيلة ديونه
لكن تطمن يا رفيع المقاما=هواك يكبر والمشاعر تصونه
راسخ بقلبي مثل فعل النشاما=اللي قليل من البشر يفعلونه
حصنته بحصن الوفا ما يضاما=محال عذال العرب ياصلونه
أنا وطيفك والقصائد نداما=نسهر سوا والليل يذبح سكونه
واللي كمايه بالهوى ما يلاما=ما حيلته إلا القصيد ولحونه
ياليل سلم والخلايق نياما=على وليفٍ(ن)حايل البعد دونه