القوافل العربية - بعض محاورات مستور العصيمي وعبدالله المسعودي

عبدالله المسعودى

واحدآ جابوه وودوه مدري كيف قال=من هو اللي دف مستور واندفه وراه
اخوياه ايدورونه وهو رايـح لحـال=ما خبرت اللي يبا يروح ويكب اخوياه

مستور العصيمي

ما خبرنا اللي يضيق سريـع الانفعـال=من يقول العلم جاني منين العلـم جـاه
واشكل الاقوال يا ذيب ما هي راس مال=من ظما لو يشرب البحر ما يروي ظماه

عبدالله المسعودى

الخبر والعلم تحت العمامـه والعقـال=والعقال مع العمامه على راسك هذاه
من زعل قلة سعه يشتري له وسع با=قبل يقعد له زمانه على راس الحصاه

مستور العصيمي

ما على راسي يقع ما على روس الرجال=والعميل الوافي الناس ما تنقـص وفـاه
الزعل طيب ومكروه في بعض الحـوال=والامانه ما تضيع علـى طـول الحيـاه

عبدالله المسعودى

انت فيك طبيّعه من جدودك والخـوال=لا غريبه تعجب الناس من قدر وغطاه
ان عطتك اكتوفها ما تربطك الحبـال=وان توجه لك نحرها تلحفـت العبـاه

مستور العصيمي

وان بدالك عوجت العوج في رقاب الجمال=مير من عارض بما عونه السيل امتـلاه
من تملت له غروبه ؟؟؟؟؟؟؟؟؟؟؟به محال=كل ما اوحى له منادي ينادي قـال هـاه

عبدالله المسعودى

ما معي ماعون والوادي الممطور سال=وانت كيف يسيل واديك وخيالك صحاه
والحبوب الصم لو قيمة الحبه ريـال=ما بلعها غير من تطحن الحبه رحـاه

مستور العصيمي

لو زهمت ابكم يجاوب على هذا السوال=كيف عاقل يلتبس ثوب ما فصل عـلاه
لن وصلك العلم عندك محايل واحتيـال=حيلة الحصني ليا شاف سبع الليل جاه

--------------------------------------------------------------------------------
مستور العصيمي

صدقونى.... ليا منـى هرجت.الصحيـح=شفت عبداللة واقف لـة علـى بـاب دار
لاحصل شى من قصدة........ولا مستريح=كل ماشاف قبة..........قال هذى مـزار

عبداللة المسعودى

من يصدق كلامك يالبخيل....الشحيح=والبخيل الشحيـح يمدها..باليسـار
احرم اللة عيونك من عيون المليـح=تنوى الصيد وانتـة ماتحق..العيـار

مستور العصيمي

علم مثل الحجر ماهو بسكر..يميـح=وانت خير لك من درب الجحيد القرار
يابن مستور علمنى وخلك....صريح=كيف تجحد كلام مثل شمـس النهـار

عبداللة المسعودى

انت منت الطبيب اللى يداوى..الجريح=انت مجروح فى نفسك وتكوى ...بنار
من يعلمـك ياللـى بالسراير...تبيـح=تحسب ان القنا والسيف طبلة وطـار

مستور العصيمي

عذبتك الليالى ياللسـان الفصيـح=كل ماشفتلك طير من العش طـار
اخر الوقت اظنك فى مصيبة..تطيح=يفقدونك هذيل اهل الكرم..والوقار

عبدالله المسعودى

انت جتك النصيحة من عميل نصيح=مار ماخذتها بين الضلوع القصـار
ياعتيبة توحـو فاالعتيبى..يصيـح=كل ماشاف لمة شال ثوبة..واغـار

مستور العصيمي

زندك اللى من اول كان يقدح قديح=والعشية مولى ما يجيلة ..شـرار
شب نارك تحت قدرك لعلة يفيـح=والدلال المنحر..زيدهـا بالبهـار

--------------------------------------------------------------------------------

عبد الله المسعودي

هاضني ليلة الجمعة سنة تسعين=غير تسعه على تاريخنا الهجري
المعلم تعب بين الحجر والطيـن=والأفندي عن الأحوال مايـدري

مستور العصيمي

لو قرينا على صم الجبال تليـن=سورة الراجفه والشفع والوتري
لو بدالي حقيقه قلتها ذا الحيـن=بدري الليل يا أهل الملعبه بدري

عبد الله المسعودي

صارت الحبحبه حمراء على السكين=مابقى غير طش القشر والبـزري
المهندس يعرف الصـم يامسكيـن=حط لك في شعيب منى مية كبـري

مستور العصيمي

أمتلا الخرج منها ومتـلا الجيبيـن=يوم حظك دعالـك ليلـة القـدري
وش جرالك وجالك وين ساري وين=مر سكر ومر العن مـن الصبـري

عبد الله المسعودي

كل شيٍ يبين وما أكلت أم قريـن=لازم أنه طلـع فجنوبهـا نبـري
أنت طالب رسبت العام في درسين=لو تعد الـك الأقـلام والحبـري

مستور العصيمي
لقمة ابليس تعلجها على اللحيين=والحوادث تصوّب والدهر يبـري
هرجةٍ مادرى عنها حسن وحسين=عوّذ ابليس علمنـا بكـم تكـري

عبد الله المسعودي

ياذهب بعد ما اشتدت عليك يدين=أحد يبتاع واحدٍ ياذهب يشـري
البلح والملح فالصاع أبو صاعين=وش تدور تمد يديك في شمـري

مستور العصيمي

كل ديره لها نـاسٍ تسـد الديـن=من بعيد الرموس يجيبهـا فكـري
وش يحدك على القشرا حداك البين=ولا أنـا بالرديـه ماطلـع ذكـري

عبد الله المسعودي

أنت ياخادم الدنيا نسيـت الديـن=لو نهز الجذع ضلا البلح يـذري
ذكرك أسود من الغدرا وحب التين=لو أوصفك في بيتين من شعـري

مستور العصيمي

قاضي الحق واحد والشهود اثنين=ان نشدناك وش سوابك المصري
قلت ياذيب درب الغانمين يميـن=مير مهبول لا تتعب ولا تـزري

عبد الله المسعودي

طيب الشكل والمضمون ماهو زين=مثل ما فالبحر للمـد والجـزري
الحمامه تنادي راعـي المارتيـن=عند عش الطيور النبق والسدري