الـحـر نسل الحر يوفي لا وعـد منطوقه = لكن أشـوف الحر ما يحمي كلام لسانه
الـوعـد عـنـد الحر ديـن وكلمته موثوقه = ما يخلف الكلمه حـريـص يـسـدد الديانه
من يوعد ويخلف عليه السالفه مطبوقه = الحق فوقه بعد مافكـره تبع شـيـطـانـه
الوقت مـتـغـيـر وشيطان الفكر ايسوقه = مـايـدري إن الحر يهلك الشجر وأغصانه
مـالـوم نـفـسـه دام شيطانه تمرد فوقه = الـوم نـفـسـي لـيـه راحت دقدقت بيبانه
مـادام هذا فكره وطبعه نعاف بـروقـه = ما عاد نـبـغـا حلو مـنـطوقـه ولا بستانه
الحر يرقا فـوق وطبوعه ترى معشوقه = كم قلب يعشقها ويرهن لجلها شـريـانـه
الـحـر تـكـفـيـه الاشاره ما يسوم البوقه = ايـقـدر الـفـرسـان ولسانه تراه حـصـانه
الحر قول وفعل وفعاله ماهي مسبوقه = مـايخش راسه كالنعامه يحتمي ميدانـه
الـحـر يـعـذر يـعـتـذر لـيـا لفته الـعـوقه = مـا يفعل فعول الحصيني يمكر بجيرانه
الـحـر يعرف مبتغا نفسه يعرف حقوقه = يأخذ من سمان العلوم أيطنش الهزلانه
الـحـر نسل الحر يوفي لا وعـد منطوقه = لكن أشـوف الحر ما يحمي كلام لسانه

المشاركة الأصلية كتبت بواسطة الرقيب (المشاركة 138809) صح لسانك مدد ماهو عدد ابدعت لله درك واصل لا هنت

المشاركة الأصلية كتبت بواسطة القنـــــاص (المشاركة 138826) صح لسانك واعتلا شانك وفيت وكفيت

المشاركة الأصلية كتبت بواسطة فارس نجد (المشاركة 138833) صح لسانك وبيض الله وجهك وفيت وكفيت وفقك مولاك

المشاركة الأصلية كتبت بواسطة عذبة الروح (المشاركة 138854) يعطيك الف عافية وصح منطوقك اخوي

المشاركة الأصلية كتبت بواسطة عثمان الثبيتي (المشاركة 138857) اخوي الذيب صح السانك قصيده رائعه وعندي ملاحظه ارجو ان لاتزعل مني كلمة الحر تكررت حوالي11 مره سببت ضعف للقصيدة