القوافل العربية - شاعر المليون .... ما جيت و عيوني على المليون

صفحة 1 من 2

عرض 40 مشاركات من هذا الموضوع لكل صفحة

القوافل العربية (https://www.alqwafel.com/vb/index.php)

- قوافل قصائد الأعضاء (https://www.alqwafel.com/vb/forumdisplay.php?f=14)

- - شاعر المليون .... ما جيت و عيوني على المليون (https://www.alqwafel.com/vb/showthread.php?t=18518)

عايد مرزوق العويس

28-05-2012 07:40 PM

شاعر المليون .... ما جيت و عيوني على المليون

الغرب ما قصّر و مد العون ....... لكن بلاد العرب اولى بي

بيت كتبته في مشاركة شاعر المليون 2009 كان كالسهم في قلوب المغتربين العرب

كل من يعرفني يطلب مني قرائتها قريب اعيد تسجيلها لكل احبابي

____________________

هنا بالصوت و الصوره
http://www.youtube.com/watch?v=zVVKe...layer_embedded
************************************************** *********
ما جيت و عيوني على المليون *** مليوني اللّي من تهقــــــوابي
جمهــــور شعر ٍ بالشّعر مفتون *** أزْهى بحضور ٍ له و يزهابي

جيت اكسب احساس الذي يحسون **واحساب من لاحسّب احسابي
شاعر ولي بالشّعر نهج و لـون **ومن فضل ربّي فارض اعجابي

عندي رصيد من الشّعر مخزون *** يوقف له اعجاب ٍ حمورابي
من الجهراء للموصل الى عجلون *** جمهوري وربعي و احبابي

و يومنّها صارت و لاادري شلون *** والله لأرقّص شيب شيّابي
اللي قـــــضت عمارهم يبكون *** يرجـــــــــون يوم ٍ يكتب كتابي

يا هيـــــــه يا عذّال لا تحكون *** ما همّـنــــــي كل هرج بغيابي
أسْكن ديار الغرب شقر اللون *** و بديـــار يعــرب والد و رابي

حب البداوه داخلي مسكون *** وزيــف الحضاره ما وصل بابي
افرح اذا قالـــــو بدو يمشون *** و افـخـــر اذا نـــــادوني اعرابي

يااخي بغيتك عون مو فرعون *** أدخلــــــك بالله لا اتشفى بي
من هو الذي مثلي طلع مديون *** خدمة عمر بس ما من اتعابي

حتى بنومي و الحشا مطعون *** وحيد و همومي اتمخــــلابي
انا الذي شفت السنين سنون *** يوم اتغدى و اتعشى بــــــي
تنهش لحم عمري وانا ممنون ** ولا بايدي الاّ اعضْعضْ ف نابي

الناس لو يدرون ما يـــــــدرون *** رب البريّه وحده ادرى بـي
مجنون! وش يعني نعم مجنون ** حب الشّعر قبري و محـرابي

ما عشت في وقتك ياابن لعبون ** لكن اترابك نفسه تــــرابي
جرّيتها نفس اللحون لـــــحون ** الين ما وقتي تغــــــــــنّا بي
العب على المكشوف والمظمون**واثق خطاي وهادي اعصابي

ماني من اللي بس هم يقولون **قول ٍ بلا فعل ترى مابـــــي
تعــــبت اطارد للسراب ضعون ** نفـــــــسي انوّخ آخر اركابي

عشرين عام وهالفكر مشطون ** لابــس ثياب ٍ ماهي ثيابي
الـــــــغرب ماقصّر و مد العون *** لكــن بلاد العرب اولى بي

هبيــت يا عمر ٍ قضى مغبون ** غير الحزن محدٍ توصى بي
ماني الوحيد بغربتي بهالكون *** الحمـــــد لله واجد اصحابي

عايد مرزوق العويس - المانيا

دليل القوافــل

28-05-2012 08:19 PM