دق الرقم مـن عـقـب مـدة طويلة = يـقـول واحـشـنـي ياشمعة الدار
قلت الـغـلا للفكـر بـنـه وهيلة = الشوق ينبوع الخـواطـر والاشعار
الـود مـبـرد للعـيـون الكحيلة = الحب ماء الروح منبات الاشـجـار
يسـريبـي الهـوجـاس في كل ليلة = صوبك ياروح القلب يانور الانظار
الـقـلـب مـن بعدك روحـه عليلة = لكـن مالي حـيـلـة فرد الاقـدار
قلبـي مـابين إيديك حطـه وشيلة = وإن كـان مـاطابلك حرقه بالنار
يـالـيـت إلي ياروح روحي وسيلة = نذراً علي مـاروح ياسـيد الاقمار
أحـبـكِ أعـداد مـاسـال سـيـلـه = وأعداد وماطلعت بالاشجار الازهار
أحـبـكِ حـب الـخـلـيـل لـخليلة = أحـبـكِ حـب الصـحـاري للامـطـار
أحـبـكِ يـأم الـوصـوف الجـميله = ياللي وصـوفك نادرة فكل الاقطار
طـيـفـك إذا ماجـاء طيفي يجيله = وتسريبي الاطياف إلى وقت الاسحار
مـن كثر شـوقي الجسم منهد حيلة = سـهـران ليلي ومشـغلتني الافكار
كلمة أحـبـك وأعـشـقك ذي قليلة = أمـوت مـن أجلك ولو صـار ماصار
قـالـوا تبـالغ قلت ذي مستحيلة = هـذا كـلام الـروح ترجم بالاشعار
اللـي مـكـذب يـعـتـبـرها حيلة = لـكـن حـبـه شاليني مثل الاعصار
إجـتـثـنـي مـن بين كل القبيلة = يـقـول إلك فالقلب حشمة ومقدار
يـحـقـلـه يـدق فـي كل لـيـلـة = لان الفـراق الشين قصَـاف الاعمار
دق الرقم مـن عـقـب مـدة طويلة = يـقـول واحـشـنـي يـاشمعة الدار