سلامتك يا قلب في داخلي لاج=من ونةٍ(ن)فيني صداها يلجلج
هزت لصدري كنها رج رجاج=توجعت منها ضلوعٍ(ن)تعوج
أنفاس صدري كنها حامي الصاج=من حرقةٍ(ن)بالجوف نارٍ(ن)توهج
مقدر أبينها مخافة من احراج=مخافة الشامت عليّه تفرج
لا من ذكرت اللي له الشوق ثجاج=مشاعري تظاهرت بالتحجج
تبيني أصدر حكم عنها بالإفراج=وأعطي لها شهادةٍ(ن)بالتخرج
مشتاقةٍ(ن)للي بياضه كما العاج=اللي ملك كل الحلا والتغنج
أدعج غنج ما حب موضة تبراج=مصيون ما شانه جنون التبرج
شكله وذوقه للخراعيب منهاج=فديت ذاك العود وعيونه الدعج
صاف الجبين مجمله رمش وحجاج=ياحلو منطوقه وضحكات بالهرج
لونه بليل العشق للعاشق سراج=يبهر عيون اللي بسناه يتفرج
يشبه بياض الثلج وشعوره أمواج=أحر من جمر الغضا ماهو بثلج
رابي على النعمة حراير وديباج=ما لافته سموم وإلا هوا عج
أعذب من النسناس لا هب ثم ماج=على غصون المغرم اللي تموج
كل الغصون اليانعة منه تحتاج=أنفاسها لكن معلوقي أحوج
هواه تبهجني ذواريه بهاج=كل العروق ليا إرتوت به تبهج
سهمه بسوق العشق في داخلي راج=هامور حبه فالجٍ(ن)خافي فلج
يسوى بعيني ملك حكام وأبراج=حبه بقلبي يدهجه بالغلا دهج
لا من ذكرته في خلا خاطري هاج=هاثم سج الشعر من داخلي سج
قصائدي لبت مثل فوج حجاج=توجهوا لأم القرى غرة الحج
للي غرامه داخلي بالعقل راج=رج المشاعر والشرايين ترتج
تهشم الخافق مثل كسر بزجاج=ما باقي إلا اترك الناس وأهج
وسلامتك يا قلب في داخلي لاج=من ونةٍ(ن)فيني صداها يلجلج

المشاركة الأصلية كتبت بواسطة نجم العرب (المشاركة 185109) يا سلام على الابداع صح لسانك للرضا ليس لي الا أقول ما شاء الله عليك الله يحفظك ويطول بعمرك تقبل التحية

المشاركة الأصلية كتبت بواسطة عبير الشوق (المشاركة 185114) قصيده عميقة جدا .. تنفست الحروف شعرا وانبثق بهاؤها استاذي بن هليل : صح نبضك والقلم

المشاركة الأصلية كتبت بواسطة عساف الأصائل (المشاركة 185117) صح لسانك واعتلا شانك ابداع لله درك تقبل التحية

المشاركة الأصلية كتبت بواسطة روح القصيد (المشاركة 185119) صح نبضك وكل كيانك شاعرنا الرائع يعطيك الف عافية

المشاركة الأصلية كتبت بواسطة المستشــار (المشاركة 185127) صح لسانك دائما مميز تقبل التحية