القوافل العربية - أول ملعبة لفلاح ولد صياف الحربي مع حبيب العازمي

--------------------------------------------------------------------------------

المحاورة أقيمت في المدينه المنورة بتاريخ (7/6/1428 هـ)
وكانت عند السحمان من حرب وحضرها فلاح صياف الحربي و حبيب العازمي
و راشد السحيمي و عبدالله الرحيلي...

فلاح صياف الحربـي

تدور الليالي والمقادير حسب الـدور
احد فاول الطابور واحد داخل الطابور
لاكن البلا من علتـأ مالهـا دكتـور
يقولـون مـال العلـه إلا مداويهـا
دربنـا ياحبيـب ماتغيـر مـسـاره
ماتغيرمسـاره دوم والعمـر فانـي
خبر اللي غدت يمناه تصفق يسـاره
قول عيد الضحيه بعد عيد ارمضاني

حبـيـب العـازمـي

تدور الليالي والقدر بين نون وكـاف
وان يسر الله ماعلى المسلمين اخلاف
وانا شايفأ صياف في وجه بن صياف
يقولـون مـال العلـه إلا مداويهـا
لو راشد مبشرنـي عطيتـه بشـاره
مار راشد معلمني وله قصـد ثانـي
قالو الحر يفهـم عادتـه بالاشـاره
وانت عندك عشر فالدرج زدها ثماني

فلاح بن صياف الحربي

مدام السما يالعازمي خيلـت بخيـال
تهون العلوم وكل عقده لهـا حـلال
نبا نازن المكسب ويرجح راس المال
يقولـون مـال العلـه إلا مداويهـا
الشتاء طول ليله قام يسحب نهـاره
والدقايق تعود في حساب الثوانـي
الذهب هو ذهب مكسب ولا به خساره
والبلا من يدين مقرقعيـن الاوانـي

حبـيـب العـازمـي

توكل على الله واترك السته والستيـن
عسى تكسر الشلفا على السيف ابوحدين
هذا علمي ذلحين وابا اعلمـك بعديـن
يقولـون مـال العـلـه إلا مداويـهـا
ياعقـاب السحيمـي سجلـه فالامـاره
واحد امن الحروب واحد امـن خوانـي
العسـل فالمناحـل واللبـن فالغـذاره
والوعـد بيننـا قـدام وقـت الاذانـي

فلاح بن صياف الحربي

هذا رزقنا اللي نزله ربنـا تنزيـل
ليا راح عنكم جيل يطلع عليكم جيل
حقايق ولا تبغا مجادل ولا تحليـل
يقولون مـال العلـه إلا مداويهـا
مايغشك صحيبك كان طوع الاشاره
البلا فالحبال اللي تجـر السوانـي
مــن بـعــد شـجــرة .....
يجني الخوخ والليمون والبرتكاني

حبـيـب العـازمـي

يبا يمشي الطرقي ويتعب مع الديره
وتكثر معاناته وتكثـر مشاويـره
ومن يعلم الخافي ومن يعلم الخيره
يقولون مـال العلـه إلا مداويهـا
والله انه عليك امواصفات الشطاره
والشطاره تراها ستر بعض المعاني

منقووووول