باالله يامنشي صدوق الغيث من عرض النصوب = رحمتك عني يا الهي لا تقفل بابها
انا بوجهك ياكريم الوجه غفار الذنوب = من ضحكة الشامت وميلات الدهر واسبابها
قدام لا اطلع لليشر كاذب وانا ماني كذوب = وتخونني دنياء غرور(ن) ما حسبت احسابها
يا صاحبي والله لو تدري عن اسرار القلوب = والكلمه اللي في صميم القلب ما بحنا بها
يعلم بها الله خالق الثقلين علام الغيوب = الواحد اللي يغفر الزله ويا خذنا بها
كان السياسه نهجها تضليل لعقول الشعوب = واسرارها تصدمك لا فتشت في دولابها
شمس الحياءما جالها عن وجهي السامي غروب= لو سطوة الاقدار شق الصدر مشلع نابها
ان ضاقت صدور العرب ماضاقت وساع الدروب = لوحفت الدنيا عليه واختلف هندابها
مادام الي بالمجتمع هيبه وقايد ومحسوب = ليش المجامل والخضوع لحاجة(ن) ما ارضابها
كل(ن) واله قصد(ن) وغايه واله منهاج وسلوب = والهئه اللي ماتليق انموت ما عشنابها
لو الشمالي يلعب العرضه مع صفوف الجنوب = واهل الجنوب ادح بالدحه ما دحنابها
طبعي صريح ولا اتلبس من ثياب الزيف ثوب= عن التنصنع كرم الله لحيتي واشنابها
قدت السفينه في محيطات الشقاء عكس الهبوب = انطح بها الموج وعلى الموت الحمر يرمابها
الدرب صعبه والمتاعب وارده من كل صوب = والصبر مفتاح الفرج والنار من شبلبها
ياللي تقدم تولة المسك وتخفي بالجيوب = سكين تقطع في لحوم الناس بعد غيابها
حنا كشفنا خطتك منته محصلك هروب = البدو يكشف لك منازلها نبيح كلابها
مادام الي بالمجتمع هيبه وقايد ومحسوب= اشكالكم مهما تسوي ما حسبت حسابها