ابن هليل يعشق الطيب ويحس=ماهو بمن يصفق على يسار بيمين
شاعر يروض للقصائد من الحدس=ماهو مقلد مثل ناسٍ(ن)غشيمين
يلبس ثياب جداد مايلبس المرس=ماشي على درب الهدى حافظ الدين
ياخذ ويعطي طيب ما يقرب النجس=معروف من ماضي زمانه لهلحين
وترى الأسد ياذيب لو شابه البس=الفرق شاسع مايحاوج براهين
وترى السباع أنواع بالشكل والفرس=والشعر للشعار عدة ميادين
مايتفق ياصاحبي جنس مع جنس=الله مرتب للخلائق قوانين
يابائعٍ(ن)للورد لو تعرف الغرس=ماكان بعته لو دفع لك ملايين
درب اليمين يمين لا تتجه عكس=قال المثل لا تقضي الدين بالدين
ترى الكلام الزين ما يعدل الهلس=واللي يحب الزين ما يشري الشين
وليا شعرت إنك محاوج تبي عطس=خل العطيس بعيد لا ترشح الطين
ثم احمد الله واشكره واترك الملس=وكل سلعةٍ(ن)تلقى من الخلق شارين
بعد إن ردك عن هدف شاعره هس=خل الرمي بعدين والحكم بعدين
اللي يحاوج كبس نثنيه بالكبس=واللي يجي باللين نرخيه باللين
العين فيها عين والنفس بالنفس=والعين بحروف الهجا تشبه الغين
هذي جوابي مابعثته بلـ!! ام اس!!=ماني بشاعر حد شعره لبيتين
شاعر قصيدي تنطقه السنٍ(ن)خرس=بالفكر مخزني ميات الدواوين
ماتدري إني رقم واحد على غيتس=يامعلم الأجيال للجيم والسين
ابن هليل يعشق الشعر ويحس=ماهو بمن يصفق على يسار بيمين

المشاركة الأصلية كتبت بواسطة صاحب المعالي (المشاركة 156883) صح لسانك مليون ولا يكفون استاذ الشعر تقديري

المشاركة الأصلية كتبت بواسطة ساحرة القوافي (المشاركة 156885) يعطيك العافية شاعر رائع بكل ما تعني الكلمة صح لسانك

المشاركة الأصلية كتبت بواسطة مخاوي الذياب (المشاركة 156887) صح منطوقك يامبدع تقبل اعجابي والتحية

المشاركة الأصلية كتبت بواسطة عبدالرحمن عويض المسعودي (المشاركة 156889) بعد هذا الكلام يابن هليل اعلن خروجي النهائي من المنتدى لانكم في هذا المنتدى تريدون الناس على مزاجكم وانا ارفض هذا المبداء وارجوا حذف الاسم والاشتراك نهائيا الان ضروري وبعدين انت قايل في نهاية كلامك المجال مفتوح للجميع للمشاركه واذا تبي تتاكد ارجع وشوف كلامك على العموم وداعا للجميع واسف للجميع على اي خطاء واستروا ماواجهتم ومع السلامه

المشاركة الأصلية كتبت بواسطة صادق الوعد (المشاركة 156890) صح لسانك واعتلا شانك ابدعت وامتهت لله درك

المشاركة الأصلية كتبت بواسطة الرقيب (المشاركة 156891) صح لسانك واعتلا شانك ابدعت لا هنت تقبل خالص التحية واللاحترام

المشاركة الأصلية كتبت بواسطة عبدالرحمن عويض المسعودي (المشاركة 156889) بعد هذا الكلام يابن هليل اعلن خروجي النهائي من المنتدى لانكم في هذا المنتدى تريدون الناس على مزاجكم وانا ارفض هذا المبداء وارجوا حذف الاسم والاشتراك نهائيا الان ضروري وبعدين انت قايل في نهاية كلامك المجال مفتوح للجميع للمشاركه واذا تبي تتاكد ارجع وشوف كلامك على العموم وداعا للجميع واسف للجميع على اي خطاء واستروا ماواجهتم ومع السلامه