فديت اللي ليا مني شكيت من ارتفاع الضغط=
يبادرني بطبه لين قلبي يعتدل نبضه=
ليا هاج الهوى في بحري المايج فصدره شط=
بذور الشوق فيني تعشق المنبات في أرضه=
أحبه وأعشقه وأحط تحت اسمه بدمي خط=
عشقته من سنين طوال كله ما أعشق لبعضه=
عشقته دين كامل ذوق رائع حسن لو ينحط=
على موجوع من جرحٍ(ن)يمين لينتهي جضه=
أخذ عين المهاه وخفة الساجع ومشي البط=
نهايتها يا حظ اللي تولع فيه يا حظه=
تولع به فؤادي ما بها قيدٍ(ن)عليه وشرط=
سكن بالخافق اللي مالكٍ(ن)طوله على عرضه=