دقات قلبي زايده في عددها=مهي طبيعية ولاني طبيعي
في داخلي أحس رجفة رعدها=مدري سحائب صيف والا ربيعي
من يوم شفت اللي تلوح بيدها=لوح لها قلبي بخفق(ن)سريعي
تلويحة مرت وفكري رصدها=كني بعدها فوق شوك النقيعي
أخاف لا يكون الغضي ماقصدها=والا تخيل له مقام(ن)رفيعي
هذي بدايتها وماهو بعدها=ماصرت أميز جدتي من رجيعي
من بعدها والروح زايد لهدها=أحس في نفسي صراع(ن)فظيعي
القلب عشمني بصافي شهدها=والفكر يشري في هواه ويبيعي
لولا ضلوعي تمنعه هو عمدها=وأنا لحكمه غصب عني بطيعي
محتار وين الروح تلقى سعدها=لا قادر(ن)يكتم ولا هو يذيعي
سحابة(ن)مرت غزير(ن)بردها=وأنا سمايم صيف والع وليعي
مرت علي مروحه يم بلدها=ما تسقي العطشان يقرع قريعي
قفت وأنا قفيت محد(ن)نشدها=تحلم وأنا بحلم فضانا وسيعي
ليت العواصف يم داري تردها=يمكن تهل ثعول وأشرب وقيعي
تسقي حنايا أضلعي من وجدها=تنبت زهوري بعد كانت قشيعي
هذا قصيدي مرسله في طردها=لعلها تسمعه يغدي شفيعي

المشاركة الأصلية كتبت بواسطة القنـــــاص (المشاركة 30245) الله الله صح لسانك قصيدة رائعة لله درك تقبل مروري لك تحياتي

المشاركة الأصلية كتبت بواسطة كامل الأوصاف (المشاركة 30246) من يوم شفت اللي تلوح بيدهـا لوح لها قلبي بخفق(ن)سريعـي تلويحة مرت وفكـري رصدهـا كني بعدها فوق شوك النقيعـي الله عليك صورة ملكية أبدعت لك خالص تقديري

المشاركة الأصلية كتبت بواسطة marmar (المشاركة 30259) صح لسانك مشكور عالقصيدة الحلوة تقبل مروري

المشاركة الأصلية كتبت بواسطة binhlailبن هليــل (المشاركة 30260) الله الله قصيدة قمة بالروعة