ظلام الليل ليتك تنتخي لمنهو منك راسه شاب= توصله سلامـــــه لمن رضــاها غايـــة مراده
إلى أمي ولا غيرها ينول ويستحق الاعجــاب=فديتك بالعمر يا أغلى ماخلق ربي من عبــــاده
ترى مابه ولايـوم عن عيونـي خيالك غـــــاب= أنا وقتي قضيته معك أنادي ومنك أسمع مناده
الا ياكم سهرت أرقب صباح به يفتحون الباب= يخلولي سبيـــل أرجـــع لبيت نضيف مقعـــاده
ولا فــــاد السهر روحي كثر ماهو لها جلاب=أسى ذا الوقت وهمومه كدر وجروح كالعاده
ألا مني ذكرت النصح منك والحرص وعتاب= وذكرت ايدين للسماء تدعي على كل سجـاده
عيوني تمتلي دموع ولا أملك رعشة الأهداب= من عيوني الدموع تهل مثل ما انهلت قــلادة
على خدي يـوم تطيــح كما لو يطيــح شهــاب= غدى خدي لها الوادي وأرض الشرب وساده
وفي صدري تناهيت تشعب صــوتها أشعــاب= غريب ترجف ضلوعه والاهات ترجف فـؤاده
الا يــا اغلى البشر ظنك لا تظنين فيني خـاب= وعثرات الزمن لا جات تزيد العــزم وايراده
ظروف الوقت لو جارت وغدى حظها غلاب=ما نسي الحر فضل أمــه وما سقيتيه بمهاده