غريبة صاحبي يشكر من الطيبة جميع الناس=وانا اللي دايمٍ(ن)جنبه ولكنه تجـاهلني
عطيته نبض قلبي والمشاعر وأعذب الأنفاس=نصفته من مشاعر روحي وفكري وزعلـني
غريبة كيف يرضى بالنحاس ويترك الألمـاس=أنا مأرضى بداله بس برحـــل كان بدلني
بدور لي فجاجٍ(ن)واسعة وأبعد عن الأوناس=ما عاد أبغي جواب ولا سؤال لحي يسألني
بصون الروح وأحفظ عزتي قدام لا تنـداس=وأسلي خاطري بالشعر مثلته ومثلـــني
بسطر في قصيدي للزمن ما لج بالهوجاس=من أفكارٍ(ن)عن الزلات بحملها وتحملني
بعاتب وقتي وروحي وأعاتب بالبشر أجناس=على الله يا قصيدي مثل ما ودي تجملني
دخيلك لن قربت من الخطر علق لي الأجراس=قبل لأقع بغلطة يا قصيدي ثم تفشلني
ترى جزل القصيد اللي يجنب موطن الأدناس=وشينه يا قصيدي كل طاروقٍ(ن)يذللني
يجي بالشعر مثل الكيف يقعد من صلف بالرس=دخيلك يا قصيدي فوق للقمة توصلني
تراني ما نظمتك من فكر واطي ولا منحاس=رفعتك فوق بالعليا ولأرضى لك تنزلني

صحت أبدانكم لا عدمت حضوركم سعدت بتواجدكم


لكم تحيتي

من الأعماق لكم الشكر والتقدير للحضور المميز والردود العذبة لا عمتكم جميعا

لكم مني خالص الشكر والتقدير