خطبتها ثم قالوا عيت توافق=وتقول هذا ياكافي مربي اللحيه
تبغا لها خد واحد ناعم(ن)حالق=يدهن خدوده بفزلين(ن)مع النفيه
تلمع خدوده كما لماع للبارق=ما همها بالشهامة لو منطفيه
قلت الحسايف علاها خاطري ضايق=يا علها ما تعدود وعلها كفيه
ما تدري أن الجمال مدبرة خالق=مخلوقة(ن)من عوج من هفيه بهفية
ليا عيت البنت ربي وحده الرازق=بترك نوير وأدور بعدها صفيه
عسى نوير ومن هو مثلها الماحق=اللي تبا الرجل بس يشابه الموميه
قولوا لها بس عني والله تفارق=هذي كما الشر ما تنفع معه حميه
ما عاد اباها ولاني لمثلها رايق=ما عاد ابا قربها جهر(ن)ولا خفيه
ما دام سوت من اللحيه بعد عايق=ينخاف منها تلاعب بكره الصبيه
هذي لحانا يا مال الشر والحارق=الله خلقها وتلقا عندنا رفية
رمز الوفا والشهامة مابها سارق=نلفي بها حين والا احيان منلفيه
من كان عنده كماها يقل لها طالق=لا خير فيها ولا يطلب لها عفيه

المشاركة الأصلية كتبت بواسطة نجم الحجاز (المشاركة 21616) اولا: صح لسانك مليون ولا يكفون ثانيا: شائف الهجوم بدأ من غرااااااااااام تبي (شهامة بدون لحية) وردك الثاني هجومي لك كل التقدير