الناس تشكي للطبيب المواجع...!=وأنا لربي لا توجعت مشكاي...!
مشكاي للي ما يذل المراجع...!=الواحد اللي يعلم بكل بلواي...!
ما حال ما بيني وبينه موانع...!=يرى لحالي ويتسمع لنجواي...!
يارب ترحم حال مذلول راكع...!=يا من بيدك الخير عجل لي دواي...!
كل يوم هم القلب يشتد طالع...!=والخوف كل الخوف من وقتي الجاي...!
عقب فراق اللي له القلب طايع...!=ما عاد يهناني طعامٍ(ن)ولا ماي...!
الروح بعده عايفة للمنافع...!=الشوق وسط القلب يعزف له الناي...!
طال الغياب ومخلب الوجد شالع...!=مشاعري والخوف دايٍ(ن)على داي...!
خائف بعد ماراح ما هو براجع...!=يا شيب عيني منه لو قال موجاي...!
بقضي بقايا العمر بالهم قابع...!=من حر مابي بزعج الكون بعواي...!
أعض من قهري لروس الأصابع...!=لا من تساوى صبح يومي وممساي...!
حطيت شعري فوق جرحي طوابع...!=ومشكاي للي عالم بكل رجواي...!
الناس تشكي للطبيب المواجع...!=وأنا لربي لا توجعت مشكاي...!