يا ما اتصلت وسألت= يا ما فرحت وزعلت
يا ما انتظرت وحلمت=ضاعت الأحلام في بحر الطناش
يا ما كتبت ومسحت=يا ما رأيت وسمعت
ولزمت صمتي وسكت=ماتت الأفكار في عمري بلاش
يا ما مشيت وركبت=يا ما بدربك وقفت
يا ما بنيت وهدمت=صابرٍ والقلب فيه الانكماش
يا ما لحبك سهرت=ويا ما شرحته وأعدت
يا ما بقلبي كتمت=أثر الهوى دربه معك شي ماش
ويا ما على أوهامي حكمت=ويا ما أحاسيسي سجنت
يا ما زرعت وحصدت=عادت الأحلام من بحرك عطاش
يا ما عطيت وبذلت=كل أحلامي ولاشي ادخرت
يا ما بذا الدنيا سبحت=دفعت حبي وعمري الك كاش
ويا ما تحديت وكسبت=ويا ما توهقت وخسرت
ويا ما تهيجت وسكنت=ومرت الأيام لمحة وارتماش
ويا ما استقريت ورحلت=ويا ما على الرمضاء دعست
ويا ما على خلي حزنت=لين صار العود من حبك نشاش
ويا ما بخيالي سريت=وبالنهاية يا حياتي انتهيت
كل هذا وعن شعوري ما دريت=طاشت أفكاري ودمي بعد طاش
يا ما سهرت الليالي ما غفيت=يا ما بعد عزي وكبري انحنيت
ما عاد تفرق بعد هذا لو نسيت=سحائبك بالحب تمطر رشاش