يا مرحبا وهلين بقدوم سلطان=عود لنا من غيبته بالسلامة
أهلا هلا عداد ما هلل لسان=وعداد من يبعث بيوم القيامة
وعداد دورات الليالي والأزمان=وعداد ما خط القلم من علامة
كل الوطن بقدوم سلطان فرحان=وإستبشر بجيته قصر اليمامة
أقولها ويقولها كل إنسان=حييت يا رمز السخا والكرامة
سلطان جوده يرجح بكل ميزان=مضرب مثل لكل طالب زعامة
سلطان خير وللكرم صار عنوان=يتبع جزيل المد حلو إبتسامة
إسم(ن)على مسمى والأفعال برهان=سلطان طيب ومثلها بالقرامة
درع الوطن عن كل طامع وغلطان=الحق ما تلحقه فيه الملامة
ليا جالها بالجو نار(ن)ودخان=يرسي لها مثل رواسي تهامة
شبل الأسد تلقاه في كل ميدان=عنده سباع تروح مثل النعامة
زبن الدخيل ليا تعزوى كحيلان=من أجل هامة يفتدي بالف هامة
وليا إستقرت حط للخير صيوان=يزيد الشهامة بالمواقف شهامة

الحمد لله على سلامة سيدي سلطان الخير

بن هليل

صح لسانك وعلاشانك

تسلم يمينك على الابداع الراااااائع

يستاهل سيدي الكثير ولانوفي حقه

أطال الله في عمره

تقبل تحــــــــــــــياتي

كل الوطن بقدوم سلطان فرحـان=وإستبشر بجيته قصـر اليمامـة
أقولهـا ويقولهـا كـل إنسـان=حييت يا رمز السخـا والكرامـة
ابن هليل=
قصيدة وافية من شاعر جزل=
ويستاهل أبو خالد كل خير=
والحمد لله على سلامته=
وعودته سالما وغانما بالشفاء والعافية .=