يَ الله يَ اللي بَ أمرك البرق نواض = و بَ أمرك يهل المزن من كل غيمه
تمطر على قبرً سكن فيه عواض = و تبقى على قبره سحابه مقيمه
يَ لين باطن قبره يعود رياض = و يفوق ريح النفل ريح النسيمه
و ترحم ولد مرزوق من شين الأعراض = و تمحي عنه كل الذنوب السقيمه
و تحميه من نارً لها الخلق بغاض = و تسكنه فَ الجنه و تكثر نعيمه
الجنه اللي مَ بها شر و أمراض = فيها الحياة من الولي مستديمه
مرحوم يَ خالي و لا عنك عواض = مرحوم يَ زبن الأمور العظيمه
مرحوم يَ خالي و لك دمعنا فاض = مرحوم يَ راع اليدين الكريمه
و ختامها صلوا عدد بارقً ناض = على رسول الله قوي الشكيمه