العزيمـــة تهــد الصخــر والجبــال=والمذلـة تضيْـع المجد لو هو تليد
الشجـاعة قليــلة عند بعض الرجال=والنذالة طبيعة بالجهل والعبيد
الصـــدق والأمـــــانة بكل الحوال=خير من كثرة المـال وأعلى رصيد
ما خبرنـا جواب(ن) واضح(ن) كالفعــال=والحِكـم والمعانـي بنظـم القصيـد
ولا أحد يبلغ بذا الدنيا علو الكمـال=التعالي لــرب العـرش هو الوحيد
بس لن صار بالشخص بعض الخصال =الحميـدة فهـذا شـيء طيب أكيـد
وأخبث الهم هم الفقـر بكثرة عيـال=والمحبـــة تراهـــا للإبــن والحفيــد
ما يجي عقل مع جهل هذامحــال=والنضـارة تراهـا بالزهـر والجريــد
والتحمل أشــده في عظــام الجمـال=والعنب عزته فوق روس القعيد
الذكــاء والفطـــانة تزيـــد الجمــال=والبـــلادة تـذل الجميـــل البليـد
والشــراء والمبــائع بســـلم الريــال=ما يفــل الحديــد إلا قــوي الحديـد
وأطيب المــال ما كــان دربـه حــلال= وأنفعــه ما عطيتـه ليـوم الوعيــد
والعمــل أخبثــه نقـل قيـل وقـــال=عنـد هـذا تعيـد وعنـد هـذا تزيــد
وأثقــل الـذل ذل المســألة والسـؤال=ليا طلبت الصديق ولاحصل ما تريد
وأبهج اللبس لبس البشت فوقه عقـال=وأنضر المـال ما تشريـه وهو جديــد
وأبـرك الـزاد زاد في طـراوة ظــلال= وأنفعـه العسـل واللبــن والثريـــد
والفكَــر والعبـر أصلهــا من خيــال=والمشـقـة عنيـفـة بالبحر والجليــد
وكل شـيء بـذا الكـون يرجــع زوال=وأفضـل الخاتمة موت التقي الشهيد
والتدبــر بما صَنعـــه ذو الجـــــلال=نعمة من كسبها عاش عمره سعيد