إن كان رحتي يا عسى الله يوفقك=وإن كان جيتي يا هلا مرحبا بك
مقداركم في داخل القلب أمرقك=أسكنه وأخذ العمر كله ثوابك
تلقى به أشواقي ولهفي بيسبقك=بحطك(ي)بالعين وأكتب كتابك
القلب والوجدان والروح تعشقك=أذوب بحضورك وأتيه بغيابك
لا تتبعين الوقت يا بنت يسرقك=من غير ما تدرين يفني شبابك
ما قلت هذا لأجل يا بنت أعلقك=ما مقصدي يا بنت والله عتابك
حتى ولو إني مولع بمفرقك=والروح عطشانه لزخت سحابك
قسم برب البيت لن رحت ملحقك=ماني بمحدود(ن)لتبعة سرابك
ابتركك لين الهوى بيوم يحرقك=ترجع علي وتشتكي من عذابك
في حينها من حر ما ذقت أذوقك=ببين المستور وأكشف حسابك
وإن قلت لي طلق تراني بطلقك=هذا قراري وأنت شنهو جوابك