ياحمامة ترد بعينها للسلام=خافي الله ترى قلبي سلامك عثاه
لا تجري على مثلي كثير الملام=البشر ياحمامة حولنا والدعاه
بالحرم ياحمامة حاسبي للكلام=قبل يقبض علينا مثل باق الجناه
قالت:أنته علامك مقصدي ياغلام=التحية عليك وربنا في علاه
قلت:هذا تصرف وصل مخ العظام=كيف بقوى لسهمٍ(ن)رمش عينك رماه
ياحمامة ترى قلبي غزاه الغرام=اسعفيني دخيلك كان عندك دواه
قبل شوفك ظروفي ياحمامة تمام=مير ذا لحين قلبي خيل حُسنك غزاه
صابني ياحمامة بالمكان الحرام=عز حالي لقلبي آه مليون وآه
بين زمزم وبين الملتزم بالمقام=صادني سهم رمشك ياشبيه المهاه
عين حورا وريحٍ(ن)مثل ريح البشام=لو لقيها مطوع نصف دينه عصاه
ينفتن بالعطور وينفتن بالقوام=لو ماهو محصل بالهوى مبتغاه
لو تحصن بدرع الدين بعض السهام=تنسي الشيخ بعض اللي بعمره قراه
كيف بالشاعر اللي في قوافيه هام=مير ماهو بناسي للتقى والصلاه
ما ترك للصلاة ولا ترك للصيام=دونها تبع قلبه للهوى ما لهاه
يالله إني طلبتك عفو عند الختام=تغفر لذنب عبدٍ(ن)عين كحلا غواه
ياحمامة ترد بعينها للسلام=خافي الله ترى قلبي سلامك عثاه