تعبت من جور الليالي والأيام=وأكثر تعب قلبي مفارق خليلي
اللي ملك روحي وفكري من العام=واحرم عيوني من منامي بليلي
أفكر بشوفته وأسري بالأحلام=أضمها لين الهوى هد حيلي
هذي سنة أكثر لياليً ما أنام=بين الرجاء واليأس ضايع دليلي
تشطح بي الأفكار في جو الأوهام=ياويل قلبي منه ياول ويلي
متى يجي وأرتاح من هم وهيام=تبرا مواجيعٍ(ن)بقلبٍ(ن)عليلي
أدرى وأداري عن عذولٍ(ن)ولوام=اللي تخض الهرج خض الصميلي
والفكر في بحر الهواجيس عوام=هذي يوطيها وهذي يشيلي
يسري ويسرح والمواجيع حيًام=عطين في صدري وليلي طويلي
أضحك مجامل لو بالجوف منضام=أبلع غبوني لو حزني جليلي
قصائدي لجروح بالروح خدًام=لا هزني طاروق جبت الجزيلي
أرسم من الأفكار لوحات رسام=تقعد لنا تذكار عقب الرحيلي
أنشفت من شرح المعاناة الأقلام=أقدح زنودي والمشاعر فتيلي
تعبت من جور الليالي والأيام=وأكثر تعب قلبي مفارق خليلي