لا باس ياللي تشكي الجور لا باس=الشور لا تقصره عن صاحب الشور
لا تضرب الأفكار وأخماس بأسداس=خل العلوم مسترة وأنت مستور
من لا يدوس القوم ياسعيد ينداس=واللي يعرف الحق ما يشهد الزور
ومن لا يدبر مرزقه يكسب إفلاس=ومن لا يصدر لأمر بيكون مأمور
قال:المثل الناس ياصاحي أجناس=واللي يقصر واجبه قلعه يغور
ومن لا يعَسف يافتى قب الأفراس=لا ناطح الفرسان ماهو بمنصور
ماينفعه درعه ولا ينفعه طاس=لا شب زند بزند ياصاح بيخور
ولا كل طيرٍ(ن)لو تعلى بقرناس=من له جناح يطير لو كان عصفور
ومن لا يشب النار في روس الأطعاس=لو هو شجيع يروح ماهو بمذكور
دنيا تقلب بين قومة ومجلاس=ومن لا شكر ربه فلاهو بمشكور
والعمر كله يافتى بضعة أنفاس=فلك يدور وحوله الفكر بيدور
والشاهد الأغصان خصرا ويباس=كل حي مهما عاش ميت ومقبور
والمسعد اللي ما تولاه وسواس=دنياه خير وموعده جنه وحور

صحت أبدانكم جميعا


سعدت بحضوركم الكريم


كل عام وأنتم بخير