هلا بالاسم والطاري قدح زند الولع والشوق=سمعت اسمك بلحظه مير مامرت على الماشي
اهاضت بي مشاعر ترتقي لك بالمعاني فوق=تذكرك البيوت اللي كتبها الشاعر الناشي
زمان انتي ولا مثلك ولا مثلي ولا مخلوق=زمان المزرعه واللا زمن رعيان الادباشي
زمان العشق كان ايهز قلب العاشق المعشوق=زمان ن كان ماتنفع به الرشوه ولا الراشي
زمان ن كان ولا زال له حب او وفا وحقوق=ثمن لحظات كانت قمة النشوه والانعاشي
زمن كان التواضع فيه رفعه والاناقه ذوق=زمن كنا ندور مع بعضنا حرب ونقاشي
زمن فيه الحيا طبع البنيه والولد مطفوق=يحب الصيد ويحب التماشي والتبلاشي
زمن لايمكن العذراء تسير وثوبها مشقوق=زمن فيه الرجل يقدم قدم واللاش ينحاشي
زمن يامر علي الى ذكرته وابدع الطاروق=وبعد القاف عني ياعيوني بعد الارماشي
وقدم لك هديه غاليه من قلبي الصندوق=بلحظه عابره لكن مامرت على الماشي

المشاركة الأصلية كتبت بواسطة ذئب الطائف (المشاركة 163604) مصافحة اولى لهذه الدرة هلا بك وبهديتك صح لسانك مليون ولا يكفون يا عذب الشعر واجزله قصيدة رائعة بروعة شاريتك خالص الاعجاب بما دونت