سلام ياللي طيب راسك يقديك =على المراجل والوفا والشهامه
ياخوي من هو حزة الضيق ناصيك= يافزعته ياعزوته ياحزامه
عرفك غناه يحوشها من يخاويك= يوم الردي عرفه عيوب وملامه
من لايقول ونعم لامر طاريك= انشهد انه عايش" في ندامه
افخر بمن مثلك واقدرك واغليك= ويبلغك قلبي جزيل احترامه

اهلا هلا حييت والله يحييك=والله ما نذخر لمثك كرامه
يامرحبا ياللي جميلة مباديك=راع العلوم الطيبة والقرامه
اللي نصيته لا نخيته بيفديك=أبشر بعزك والهنا والسلامه
والا الردي ماهو مقدر ملافيك=يدس راسه مثل راس النعامه
قالوا قبل الذيب ما يصحب الديك=والحر مايشبه لفرخ الحمامه