المشاركة الأصلية كتبت بواسطة شاعر نجد (المشاركة 50341) سر يانديبي واوصل العلم كله = تسلم وسلم فوق ذباحة الحيل من شرقها الى غربها ثم قله = سلام وافي لا مجرد مراسيل الاد ثابت كل درب(ن) تدله = درب الوفا ما تقبل الجور والميل جاك الصحيح وباقي الهرج خله = نتعب ولا نلحق لمن يوفي الكيل والسيف من داخل جفيره نتله = والا غدينا بالمثل مثل ما قيل عني نيابه صافي الكيف زله = على اليمين وزود قنادي الهيل دله وراء دله وتثنا بدله = ثم بعده اصحون الشحم به محاميل تراك في وسط الصقور المطله = اعتيبه الهيلا ليا اصتكت الخيل قلته وكل(ن) وافي(ن) في محله = في كل دار ذياب ليا ظلم الليل مع تحيات شاعـر نجـــد

يامرحبا ياضيفنا بوسط حله=عد السحائب من سحاب هماليل
من جلنا واجب علينا نجله=ترحيبنا يتبعه هيل بفناجيل
هاك الصحيح وباقي الهرج طله=علم وكاد ولا نحب الثماثيل
الطيب لهل الطيب مهو مذله=تلقى وجوبك في جديد المعاميل
وقت الرخا تلقى علوم وفله=عوارف(ن)ونكمل العلم تكميل
وإن جاء نهار غير والله والله=لنشيب الأطفال قبل الرياجيل
دوا الكبود اللي بها زود عله=سم القلوب اللي بصدر المهابيل
ما همنا ما ينشر بالمجلة=ولا همنا كثر الرغي والتحاليل
من بعدها الفرض لله صله=صل الفروض الخمس ثم التنافيل
هذا الجواب وجايكم بالمظله=وإن كان عندك غير حط المعاديل
في مجلس(ن)مربوع مفروش زله=اشرب قراح وغن زين التماثيل