الليلة الهاجس كما النو يمطر=أغرق معاليق الحشا والسهر ري
ذكرت خلٍ(ن)عنه ما عاد بقدر=طول الغياب اللي لوى خاطري لي
الى متى يا ناعس الطرف بصبر=الشوق كاوي خافقي بالهوى كي
مع طيفك الساري ليا زار بسهر=لين أستلم للصبح يا صبح بيدي
صار السهر عادة ولا عاد بنكر=إن السهر يتعب عيوني وأنا حي
ما هو بيوم سنين وأيام وأشهر=الشوق يطوي هاجسي يا غلا طي
عشر سنين وحبنا كان تذكر=يمطر غرام ولا سقانا من المي
الحب يكبر والعمر بعد يكبر=وأحلامنا تمسي وتصبح ولا شي
وشلون عاد نعوض لعمرٍ(ن)أدبر=وأحلامنا بالشمس ما طالها فيً
الحظ لا من شأن ملعون يقهر=وأكبر قهر لحم الظبي ينوكل ني
واللي بعد أكبر من الغبن وأخطر=لا صار حظك سي ونهايتك سي
الليلة الهاجس كما النو يمطر=أغرق معاليق الحشا والسهر ري