البارح السهرة لها طعم ثاني=رقص لها الخفاق بين الضلوعي
من عقب ما كاد المشاعر زماني=البارح السهرة حصاد الزروعي
تحققت للعمر بعض الأماني=ليلة تعادل بالليالي سبوعي
شربت من كأس الهوى ما رواني=من كف ملهوف الحشا زال روعي
فديت منهو صب لي ثم سقاني=لين إرتويت ومات عطشي وجوعي
من فرحتي نسيت حتى مكاني=ما عدت بعرف روحتي من رجوعي
حلق بروحي فوق حد البياني=أنساني بليلي لبعض الطبوعي
ماني بذاكر غير نبع الحناني=لف المكان اللي حضن للفروعي
من بهجتي عقل جناني لساني=لا والله إلا ضيعت ل السنوعي
ما عدت أميز بين حاضر وكاني=مشاعرٍ(ن)تجتاحني بكل نوعي
ليت الفجر عن سهرتي ما حداني=وليت الهنا واصل ليوم الربوعي
عل وعسى تبري لجرحٍ(ن)كواني=أنسى مواجيعي وحرقة جزوعي
وختامها فديت منهو عطاني=أغلى هدايا ما عرضها بيوعي
متى يجدد فرحنا ليل ثاني=يرقص له الخفاق بين الضلوعي