لي مدةٍ(ن)والشعر بالفكر مربوك=كل ما إنبنا طاروق فكري يهده
محتار مدري حالم بقاف محبوك=أنقشه بالهاجوس قدام أمده
قافٍ(ن)على ماقيل محبوك مسبوك=يستاهله من صار قلبي يوده
اللي بحيه صاير القلب مشبوك=صعبٍ(ن)قلبي غرامه يصده
مشاعري ياقاهر البيض لبوك=غرام ماحس المخاليق قده
لو البشر يا فاتن الروح حبوك=محال حبي الك تأصل لحده
حتى أهلك أمك والاخوان وأبوك=وحبك لذاتك كان تقدر تعده
فديتك وفديت حيين جابوك=اللي لهم بالروح صادق موده
حيث إنهم على الوفا لي ربوك=جميلهم ع الرأس واجب برده
بيض القلوب اللي مثل صفحة البوك=ما تنكر المعروف لا بان جده
وسود القلوب ليا إنقضى القصد كبوك=قال المثل:بابٍ(ن)معه ريح سده
عرفت ليش الشعر والفكر مربوك=كل ما إنبنا طاروق فكري يهده

بيض القلوب اللي مثل صفحـة البـوك مــا تـنـكـر الـمـعـروف لا بـــان جـــده
وسود القلوب ليا إنقضى القصد كبوك قــال المثل:بابٍ(ن)مـعـه ريــح ســـده


الله الله

بيتين من الشعر يحملا ن معان قيمة

بيض القلوب وسود القلوب

الوصل مع الاعتراف بالمعروف

والصد مقرونا بنكران الجميل

علاقة وطيدة وارتباط وثيق بين

النص والشعر والشاعر

صح لسانك الين الرضى

المشاركة الأصلية كتبت بواسطة طارق العبيدي (المشاركة 143493) بيض القلوب اللي مثل صفحـة البـوك مــا تـنـكـر الـمـعـروف لا بـــان جـــده وسود القلوب ليا إنقضى القصد كبوك قــال المثل:بابٍ(ن)مـعـه ريــح ســـده الله الله بيتين من الشعر يحملا ن معان قيمة بيض القلوب وسود القلوب الوصل مع الاعتراف بالمعروف والصد مقرونا بنكران الجميل علاقة وطيدة وارتباط وثيق بين النص والشعر والشاعر صح لسانك الين الرضى

صحت أبدانكم جميعا


سعدت بحضوركم وردودكم


لكم خالص تحيتي