ليا هينت النفس عند اللي موالينا=اولى لها تهان عند اللي معادينا
مليار مسلم كما القطعان والينا=اللي موالي لكفرٍ(ن)ساء لهادينا
مليار مسلم دخله الضعف واللينا=وبليس ينخر بنا معه مودينا
في كل عامٍ(ن)يهين الغرب غالينا=وحنا على صدورنا نحضن لأيادينا
وش فايدتها صلاةٍ(ن)للمصلينا=لا فات وقت النصر ما عاد يمدينا
لا والله الا غدينا في مفالينا=أسوء من الضان دنياها بلا دينا
ضعنا وضاعت كرامتنا وسالينا=ماعاد نرفع لساكن ناس غادينا
وش عاد باقي لنا وش حظ تالينا=ما دام ضعنا وضيعنا مبادينا
من عقب ذيك القرون وكيف عالينا=اليوم صرنا خيوط بكف سادينا
هذا محمد يهان وحلو حالينا=يستنكر بدس لا يزعل مقدينا
الى متى الكفر بالبهتان بالينا=الى متى الغرب فوق الذل حادينا
ما باقي الا على دينه يخلينا=ما دام لاقي بنا حفنة مودينا
ليا هينت النفس عند اللي موالينا=اولى لها تهان عند اللي معادينا