أنا جاني خبر قبل العشاء بعد غروب الشمس=بعد شوال باخر جمعة في شهر ذى القعدة
يقولون السعيدي شد له عشرين فوق التكس=توجه للشفا والطائف الّلي ساخط(ن)برده
مخاطر بالعرب من صبح حط النفس فوق النفس=وخلص سرعة الطبلون كنه بالخلا وحده
وأنا ما كنت اظن الموتر الّي كبر راس البس=يزوع بحملته ويوصل الركاب والعدة
وأنا لو كنت داري لالحق السواق فوق الجمس=وأدور لي ثنين ونكتف المجنون ونرده
نسلمه الحكومة ترهطه ودخله للحبس=وتسحب رخصته وترحل الموتر على جدة
ولو إنه ضرب فيه الكفر والا انقطم به عكس=وراحة صوفة التعشيق والا خربة الجلدة
يظلي فوق ظهره عافس الركاب تحته عفس=ويتعب سائق الاسعاف والدكتور والنجدة
يصفق باليدين ويدهج من حظه اللي نحس=ويلطم من زعله بكفه اليمنى على خده
لكن الله ستر والموتر المبروك جا بالامس= محمل بالهدايا جايب الرمان والزبدة
ولن عاد السعيدي للغلط ما حقه الا الدبس=وناخذ له عشا مثل العرب ونروح ونسده

المشاركة الأصلية كتبت بواسطة binhlailبن هليــل (المشاركة 25996) صح لسانك وعلا شأنك رااااائعة لك تقديري

المشاركة الأصلية كتبت بواسطة كامل الأوصاف (المشاركة 26041) صح لسانك قصيدةى جميلة لك تقديري