القوافل العربية - اللي تعاف من اوله عاف تالبه

صفحة 1 من 2

عرض 40 مشاركات من هذا الموضوع لكل صفحة

القوافل العربية (https://www.alqwafel.com/vb/index.php)

- قوافل قصائد الأعضاء (https://www.alqwafel.com/vb/forumdisplay.php?f=14)

- - اللي تعاف من اوله عاف تالبه (https://www.alqwafel.com/vb/showthread.php?t=18570)

عثمان الثبيتي

05-06-2012 08:49 AM

اللي تعاف من اوله عاف تالبه

المكسب من الوقت هذا السلامه
----------اللي تعاف من اوله عاف تاليـــه

كلً بوجهي يبدي الابتسامــــــــه
-----------اوجه لمن العتب والمشـــــاريه

ليت الردي على جبينه علامـــه
--------من شان مانخدع مع الظن والتيه

كم راس رخمه كاسيته العمامه
--------والمال والبشت الحساوي مسويه

اذا نخيته ماتقله عظامه
---------فيه الظنون اتخيب خابت هقاويه

لو ان ابوه امير راعي زعامه
--------- المشكله خالً مــــــجود بناخيه

يالعن ابو عرق الردى والرخامه
-----------اثره يرد الرجل عن منهج ابيه

مثله حليفً للردا والملامه
-----------ولايستحق ونعم لاحل طـــاريه

اذا لقيته قـلل من احترامه
---------واذا نصاك بعلم لاتلتـــــفت فــيه

جنبه لوتقعد لايوم القيامه
--------- مالك خويً في حياتك تـــخاويه

مكسبك من فرقاه خير وسلامه
--------- اللي تعاف من اوله عاف تاليه

ذياب بن غانم

05-06-2012 02:42 PM