ياللي تبيني بكل الأحوال مطواع=لا تحلمين بكل ماهو تريدين
لو طعتك بحاجة بحاجات مناع=ماكل ماهو تطلبينه بتلقين
بعض المطالب دونها كي مرقاع=صعبة علينا كلنا كان تدرين
أما تخالف دين وإلا للأطباع=وأهم شيء اللي تعارض مع الدين
وبعض الظروف تحول من دون الأطماع=تمنعك لو ودك تمدي وتعطين
واللي تعود فوق ماينزل القاع=والحر ما ينهان والحر ما يهين
وأصعب صعيبات الزمن شري من باع=لو كان غالي من يبيعك لا تشرين
ماكل من يفزع يسمى بفزاع=مايفزع إلا لأجل بعدين تجزين
يمشي على طوعك ويذعن وينصاع=يلدغ كما الثعبان لو ملمسه زين
وليا قضا حاجته مثل الدهن ماع=يضيع من دنياك في رمشة العين
ولا كل برقٍ(ن)ناض للعين لماع=يسقي كبودٍ(ن)للعباد المخيلين
ياللي تبيني بكل الأحوال مطواع=لا تحلمين بكل ماهو تريدين