الصيف نوخ والمظاهر مداهير=ماعاد نلقا بالدير سمن ويدام
عان البدو قامت تسوق المظاهير=حلالهم ما عاد بالسوق ينسام
وأنا نويت أخاوي البدو وأسير=مع الظعون اللي بها خير وأنعام
يا بن عميش إن كان في رفقتك خير=هيا مشينا ودنا نغزي الشام
كانك تحب الجو فالجو بنطير=وإن كان تهوى البر تعال بحزام
نبا نسير مثل باق المسايير=ناخذ لنا يا صاحبي عدة أيام
نبا نشوف زهورها والنواوير=يقولون:يابن عميش يا زين الأنسام
نبا نغير جو ما غير ما غير=ونشوف تغيير الليالي والأعوام
وليا لقينا من يبا دهنة السير=إدهن سيوره ما تبا هناك عزام
لا تعتذر ما يقبلون المعاذير=خلك صقر يطرح طريده ليا حام
بعدين تلقا للفعل الف تبرير=أما كذا والا كذا وأنت ضرغام
وليا قنعنا وأتعبتنا المشاوير=جينا نكيف وباقي العلم قدام
والها على مولاك بعدين تدبير=يمكن يجيك من الملك درع ووسام
وإن كان حدك ظرف والا محاذير=دورت غيرك وأنت ياشيخ ماتلام
بنادي اللي يعجبك بالتفاكير=وليا نصاه العلم يعجب ليا قام
يقول المثل :لا تغزي الا بمناعير=اللي تسدك بالفعايل والاعلام
وختامها يالله منك التياسير=المسعد اللي كمل الفرض ثم صام

صح بدنك ولا هنت



سعدت بردك الطيب



لك خالص الود

صح بدنك ولا هنت


سعدت بردك الطيب



لك خالص الود

صح بدنك ولا هنت


والنعم ببن عميش وبراع الصدق


لكم تحيتي