اكرم بمن هو سطر القاف تسطير =شاعر مكرم فكرته كل الاكرام
رقا بها فوق الجبال المعاسير= شاعر علم مثل النداوي ليا حام
نخا زبون الوانيه والمخاسير= في رفقته لديار غانم وغنام
ابن عميش اللي يفك المعاسير= ياعل يفدونه مقاريد الاقزام
راع الحميه من رجال مسافير=الطيب فيهم ساس ماهو من العام
وانا اعجبتني مفردات التعابير= والفكره اللي جات من راس عزام
وحبيت اجاريهاواسيس على اير= والقافيه تمشي على وضعها آم
وسجيت رجلي مع طويل المشاوير= وانا مضريها على وضع الاقدام
يابن هليل كب دار المعاثير= الصيف قضه في ديار اهل الاسلام
فالطايف المانوس بين الازاهير= اللي عبقها ينعش عقول واجسام
والا الجنوب الله يمسيك بالخير= شوف الزهور بروضها جاله اكمام
والا لجده بين هاك النوافير= والبحر واسماك البحر قول قدام
والا لنجد وشوف لطويق والنير= والبل ترعى فالنفل مر وخزام
مالك ومال الشام وايا المحادير=الشام مالك فيه اهل يا ابن الاكرام
اقنع عيونك لاتظلي مطايير= جاك رمضان وصوم من عرض من صام
اوي لكم من افلونزا الخنازير= واللي يصاب ابها يحاكم بالاعدام
هذي نصيحه قلتها دمت في خير= عساك تقنع من حلومك والاوهام