حي الجواب اللي حوى للتفاسير=
من عند راع الصدق من معدن خام=
يقول المطوع خل عنك الغنادير=
ما يدري إني بالحكم مثل صدام=
من بعد راح الناس صارت طوابير=
شوف العذارى اليوم وشلون تنضام=
لو المطوع ذاق در المغاتير=
كب التهجد تالي الليل ثم نام=
مير المطوع ملتهي بالتحاضير=
من كثر ما يكتب منشف للأقلام=
ما شاف زينات الدير بالتصاوير=
ولا شاف حلوات المناظر بالأفلام=
لو شافها ظلا يدق الزمامير=
ولا هو بعيد يظلي مقابل الكام=
مير المطوع ناشب(ن)في شمنصير=
عساه ينسف بالقنابل والألغام=
عسى يجيه من المقدر مقادير=
يصبح على بعضه زبارات وأكوام=
حتى المطوع يترك الضلع ويغير=
يظلي جوازه ممتلي كله أختام=
والا ترا بنرحله يم خرخير=
يعيش مع صيعر ورا بارق ويام=
أربع سنين وبعدها فيه تغيير=
لين المطوع يحفظ الدسك والرام=
ما عاد به يا شيخ بالدين تكفير=
الله بذنوب البشر بس علام=

المشاركة الأصلية كتبت بواسطة ملك القلوب (المشاركة 85932) صح لسانك وبيض الله وجهك وينه المطوع نبي نشوف رده بيض الله وجيهكم لكم خالص تحيتي وتقديري

المشاركة الأصلية كتبت بواسطة دليل القوافــل (المشاركة 85933) لـو المطـوع ذاق در المغاتـيـر كب التهجد تالي الليـل ثـم نـام مير المطوع ملتهـي بالتحاضيـر من كثر ما يكتب منشـف للأقـلام ما شاف زينات الدير بالتصاويـر ولا شاف حلوات المناظر بالأفـلام لو شافهـا ظـلا يـدق الزماميـر ولا هو بعيد يظلي مقابـل الكـام الله الله ما اروع هذا الكلام صح بدنك مليااااااااار

المشاركة الأصلية كتبت بواسطة راع الصدق (المشاركة 85947) صح لسانك يابا عبدالله مداعبه فعلا تستاهل الوقوف عندها على العموم تقبل تحياتي بكل ود واحترام

المشاركة الأصلية كتبت بواسطة ابن عميش (المشاركة 85981) بن هليل سلمت يمينك وبيض الله وجهك فعلا مداعبه جميله ورائعه متميزه بكل معاني الابداع والتألق .صح لسانك لك تحيتي وتقديري الخاص