ضاع بالدمام ... وذبح بالجبيل .. !!
 

السلام عليكم ورحمة الله وبركاته ...



هذه الابيات كتبت قبل رمضان ( إبراء للذمة )


اتمنى تنال على استحسانكم .....





يـــاولد عـــمي ولد عمك تـــــراه *** ضــاع بالدمام .. وذبـــــح بالجبيل !!!

ساق رجله لين ماطاحت خـــطاه *** طيحة اللي يـوم حقّق ((مستحيل)) !!!

مادرى أن الموت في شيّن لـقاه *** ولا درى أن أكـثره أشّر من القليل!!!

ليتنــي صـايم ومفطر في حـــكاه *** ولا فطورن بين (صبح وبين ليل)!!!

من حـضن رمــانه وقبّل شـــفــاه *** ياكبــر حظه ليا مــامرح ((قتيل)) !!!

مايعرف الحــلو ..الا من حـــلاه *** ولايوصّف غير وصفه بـ(الجميل)!!!

قلتله : كيف السبيل الى النجاه ؟؟ *** قال: ماهو قــبل ذوق السـلسـبيل !!!

قلــت : ذوقــنيه .. وشهي هالحياه *** ((لعنبو خليـل مايداري خلـــيل)) !!!

وابتديـــنا والقـــــلوب تقول ..آآه *** والله ان غيــــابنا (دمّــه ثقــــيل) !!!

والتفــــتلي فيه دمع(ن) مابــــكاه *** في عيــونه كنّه (السيف الصـقيل) !!!

قال انا ضايق ولا ادري شالسواه *** قلت خلق الضـيق للـــقلب العلــيل !!!

قال جسمي ناحل ووصــلك دواه *** قلت خّل النحف للـــجسم النـــحيل !!!

قال : يا(مبدع) ابي منك وصـاه *** قلت تمّت .. ماعدى كلمة (رحيل) !!!

قال .. حبي .. لايجي قلبك سـواه *** قلت : والله ياحيـــــــاتي مستحيل !!!

قلبي بصـدرك من العــام ووراه *** لي سنه ماعرف نفضات الشـليل !!!

قلت حبيبك .. تلبينه رجاه ؟؟؟ *** قالت آمر..ياعسى عمرك طـويل !!!

قلت دمعك عذّب القلب وكـــــواه *** لا اشوف الدمع بالطرف الكحـيل !!!

قالت احــلف لك واقــــــسم بالآه *** ان دمــعي (للغلا) اكبـــر دلـــيـل !!!

انت شاعر تنقل احساسك رواه *** والا انا مالي عن دمــوعي بــديل !!!

وافترقنا والقــلوب تقـــول ..آآه *** والدموع الحايرة صـارت تــسيل !!!

ويـاولد عـــمي.. بــداه ومنـتهاه *** لاتحـــب ولا تقّـرب (( للجبيل ))!!!

ياحلا(بريدة) على (برج المياه) *** وياحـلا(الشامل)وياحلو (النخيل)!!!




وسلامتكم

رد: ضاع بالدمام ... وذبح بالجبيل .. !!
 

مبدع القاف



صح لسانك مدد ما هو عدد


قصيدة راقية من فكر راقي


حاولت أستنسخ منها الأجمل


فحيرتني أبياتها كل بيت أروع من سابقه وتابعه


ففضلت أقول لك




أبدعت أبدعت


الله يعطيك العافية



لك خالص الود


وكل عام وأنتم بخير

رد: ضاع بالدمام ... وذبح بالجبيل .. !!
 

يشرفني ويسعدني انني اول من يعانق هذا الابداع والدرر الثمينه وافيه وجزله من رجل وافي تقبل اعجابي بكل صراحه وود واحترام

رد: ضاع بالدمام ... وذبح بالجبيل .. !!
 

صح الله لسااااااااااااااااااانك

قصيدة رائعه ومميزه

الله يعطيك العافية

تقبل أرق التحايا و أعذبها

رد: ضاع بالدمام ... وذبح بالجبيل .. !!
 

مبدع القاف

صح السانك قصيدة جزله من رجل جزل

وافية وكافية من مبدع المبدع

تقبل تحيااااااااااتي

صقر عتيبة

رد: ضاع بالدمام ... وذبح بالجبيل .. !!
 

اخوي ابن هليل ...



صح بدنك طال عمرك ..


الاروع تواجدك وحضورك .. وردودك ..


اعجابك بالابيات شرف لي ووسام على صدري ...


وكل رمضان وانت بصحة وسلامة ...



تحياااااااااااتي لك

رد: ضاع بالدمام ... وذبح بالجبيل .. !!
 

اخوووي راع الصدق ..



الشرف لي تواجدك واشادة شخص بحجمك وحجم شاعريتك يزيدني فخر ..



الف شكر لك ..


وكل رمضان وانت بصحة وسلامة ..


تحياااااااتي لك

رد: ضاع بالدمام ... وذبح بالجبيل .. !!
 

اخوي الذيب ...




صح بدنك طال عمرك ..


وشكرا لك على مرورك الجميل ..



وكل رمضان وانت بصحة وسلامة ..




تحيااااااااااااتي لك

رد: ضاع بالدمام ... وذبح بالجبيل .. !!
 

اخوي صقر عتيبة ,,,




صح لسااااااااانك وبيض الله وجهك على تواصلك ومرورك ..



الف شكر لك طال عمرك ..


وكل رمضان وانت بصحة وسلامه ..



تحيااااااااااااتي لك

رد: ضاع بالدمام ... وذبح بالجبيل .. !!
 

الله عليك أخوي مبدع القاف
فعلا أنت مبدع قصيدة أكثر من
رائعة تقبل تواضع مروري
وكل عام وانت بخير