القوافل العربية

القوافل العربية (https://www.alqwafel.com/vb/index.php)
-   قوافل محاورات الأعضاء الشعرية (https://www.alqwafel.com/vb/forumdisplay.php?f=22)
-   -   المستشار ×××راع الصدق (https://www.alqwafel.com/vb/showthread.php?t=11681)

فواز الثبيتي 18-10-2009 01:09 AM
المستشار ×××راع الصدق
 
محاورة جرت بين المستشار وبين راع الصدق في احد المنتديات


المستشار
راعي الصدق ان حضر سد في نص العلوم=وان تغيـب قلـت ويـن العلـوم الباقيـة
مرحبابـك فـي شبابـة ميايـدن القـروم=مركـز التاريـخ والعـلـم والاشواقـيـة



راع الصدق
راعي الصدق ان حضر قسمه خيار القسوم=وانت هـات العلـم ياراعـي المصداقيـه
البقا يااللي ترحب علـى حسـب السلـوم=في محل (ن) يرضـي الكـل والاذواقيـه


المستشار
خل عينك في سماء نجد وتعد النجوم=لاجل مادون السماء ياسعد مدراقيـة
اللسان يصوم ولقلب عيا لا يصـوم=ارحمو قلب(ن) على قربكم مشتاقية

راع الصدق
مستشار القوم شفنا على شمسه غيوم=احد نايـم واحـد يـم العـلا سباقيـه
من مشى بالقلب الابيض يحصل مايروم=مير اظن الصقـر ملـزوم بالمسباقيـه


المستشار
نبذل المجهود والحظ بأمر الله يقوم=والظوامي فوق جم الروى متلاقيـه
مايضيع بهالزمن غير من قلبه رحوم=الحياة اجهـاد والصبـر ماينطاقيـه


راع الصدق
الشلاوى روحـت بالطماعـه يالبقـوم=والذبيحـه علقوهـا علـى المعلاقيـه
ماجدى بعض العرب غير عضات البهوم=مشكله والمشكلـه مـن ذوي زراقيـه



المستشار
بعد ما شفنا الطمع في رديين العزوم=جيرة الفيصل ولا جيـرة البواقيـة
اطلب الله ياسعد والعوافـي ماتـدوم=واحسب المخراج لا تحسب الممراقية


راع الصدق
البلا من طيرك اللي مع الغبشـه يحـوم=جاب داب اسود ومن سكرتـه مافاقيـه
حاسب حسابي واعرف الدفاع من الهجوم=ميـر ضـم العلـم ياطـاق ياطرباقيـه


المستشار
يالبناخي لوحسبنـا حساب(ن)للرخـوم=ماجلبنـا بكـرة الـقـوم للاسواقـيـة
البحر قدمك وطب البحر واغطس وعوم=والسلامـة طيبـة والحيـاء براقـيـه

صقـر عتيبـة 18-10-2009 01:21 AM
رد: المستشار ×××راع الصدق
 
صح السانهم جميعاً

والله يعطيك الف عافية يا امير الذوقـ على النقل الجميل المميز

لكم جميعاً تحيااااتي وتقديري الخااص

صقر عتيبة

همسات شاعرية 18-10-2009 01:21 AM
رد: المستشار ×××راع الصدق
 
صح لسانكم جميع


أبداع ابداع



لاهنتم


دمتم بخير

ابن عميش 18-10-2009 01:31 AM
رد: المستشار ×××راع الصدق
 
امير الذوق

بيض الله وجيهكم جميعا على

هذه المحاوره القويه والمميزه

واسأل الله لكم التوفيق والى

الامام ...لك التحيه والتقدير

سعد حميد الثبيتي 18-10-2009 02:36 AM
رد: المستشار ×××راع الصدق
 
اشكر زميلي امير الذوق على نقله الرائع لهذه المحاوره كما اشكر زمسلي المستشار على اباعه المتألق ايضا اشكر كل من مر على الموضوع واتحفنا باطرائه الطيب تقبلوا تحياتي

ملك القلوب 18-10-2009 06:27 AM
رد: المستشار ×××راع الصدق
 
صحت السنتكم جميعا



محاورة جميلة الله يعطيكم العافية



على ما قيل فتل ونقض...صوت وصدى


لكم خالص التحية والتقدير

فواز الثبيتي 18-10-2009 11:55 AM
رد: المستشار ×××راع الصدق
 
شكرا لكم على هذا المرور المشرف والله يعطيكم العافية


وشكر خاص لراع الصدق على ماقدمه من ابداع



اخواني الغالين من حق كل واحد منكم ان ارد على مروره ردا خاصا ومستقلا ولكن ارجو ان تعذروني

فلضيق وقتي اكتفيت برد واحد فاستبيحكم عذرا ولكم كل التقدير والاحترام


الساعة الآن 08:23 PM

Powered by vBulletin® Copyright ©2000 - 2025, Jelsoft Enterprises Ltd. TranZ By Almuhajir

Ads Management Version 3.0.1 by Saeed Al-Atwi

الحقوق للقوافـل العـربية: جوال الرسائل 966553850455+

a.d - i.s.s.w