مفروض يعطي ثوبه الحرمة و يلبس ثوبها
 

العمـر يفنـى والحيـاة أحـلام والدنيـا متـا

يا كمّ نفـسٍ روّحـت مـا حقّقـت مطلوبهـا



يا منخدع في ضحكة الدنيا ترى الضحكة خداع

لا تأمن الدنيا ولو تضحـك لـك مْـع جنوبهـا



إن ما تغانمت المراجل قبـل ساعـات الـوداع

بَعَد وفاتك ماهي بصوبـك ولا انـت بصوبهـا



والمرجلة ماهيـب سلعـة تنشـرى والاّ تبـاع

كم ناسٍ يقومون ويطيحون مـا فرْحـوا بهـا



اللي مولّع بالضياع يـروح لـدروب الضيـاع

واللـي مولّـع بالمراجـل مـا يغـرّ دروبهـا



الطّيب بيِّن ومتعيِّن مـا علـى وجهـه قنـاع

لكن بعض النـاس عميـا والجَهَـل عذروبهـا



والغيب ما يُعلم لكـنّ العقـل سِيـد الإختـراع

ليا اشتغل عقلك عرفت الناس وش ف"قلوبهـا"



وإن كان ما انته مستفيد من الدّماغ الاّ الصّداع

ما غير حـظ الصّيدليّـة مـا تبـور حبوبهـا



لا صرت ما تتعب على ( والنِّعم ) قدر المستطاع

صدّت ولفّت لك ظهَرهـا واعْطَتِـك عرقوبهـا



وليا تملّكْت الكـرم والحكمـة وطـول الـذراع

لا تشغلك نفسـك تـراك اعطيتهـا ماجوبهـا


والواحد اللي لا كريـم ولا حكيـم ولا شجـاع

مفروض يعطي ثوبه الحرمة ويلبـس ثوبهـا

رد: مفروض يعطي ثوبه الحرمة و يلبس ثوبها
 

الله الله


اختيار موفق....قصيدة قوية



مشكور على النقل المميز....سلمت يمينك وصح لسانك

رد: مفروض يعطي ثوبه الحرمة و يلبس ثوبها
 

رد: مفروض يعطي ثوبه الحرمة و يلبس ثوبها
 

قايد الفوج

صح السانك قصيده جميلة مميزة جزله من رجل جزل طرح مميز

اختيار موفق وياليت تذكر لنا اسم الشاعر

لك تحياااااااااااتي

صقر عتيبة