القوافل العربية - ودام [ ًٌُ البكـآ‘ء ًَُ] يـآريم مـآفيـه تحـريم ..

القوافل العربية (https://www.alqwafel.com/vb/index.php)

- قوافل الشعر الشعبي (النبطي) (https://www.alqwafel.com/vb/forumdisplay.php?f=15)

ودام [ ًٌُ البكـآ‘ء ًَُ] يـآريم مـآفيـه تحـريم ..

السلام عليكم ورحمة الله وبركآته

( قصة القصيدة )

كان الشاعر مسجون

وكان ماراً من أحد الممرات وفي ذلك الممر كانت

(ريم وأمها ) داخلين لزيارة سجينهم

والشاعر سمع صوت الأطفال فتذكر أبنائه

فدمعت عينيه

فرأته ( ريم ) فقالت ريم لأمها :

( يمّه الرجال يبكي !! ،، فقالت أمها زاجرة : ريم !!! )

عندها ،، كتب الشاعر هذه القصيدة

( القصيدة )

وآتمنى تعجبكم ...

::

أبكي وعيني تسهر الليل يـا ريـم

مدري بلاها الشوق والا الظليمـه

يا ريم دمع العين مدري على الريم

والا على قلبـن تواكـل صميمـه

تقول لاطمني علـى نونهـا سيـم

أبكي وعندي لأزرق الدمع قيمـه

ويمكن يكون الدمع للعيـن تكريـم

ويمكن يكون إلها عذاب وحريمـه

والله يا لولا دمعتـن كنهـا الديـم

راحت ضلوعي من عذابي حطيمه

ودام البكا يا ريم ما فيـه تحريـم

يا عنك والله لأرخص الدمع شيمه

وابكي على حالي من الوجد وآهيم

لين الزمن يخلـف عليّـه نسيمـه

أبكي حياتن صافيه ما بهـا غيـم

وين المحبـة والقلـوب السليمـه

أبكي قهر وابكي من الغبن والضيم

وابكي من طعونن بقلبـي قديمـه

غدر الزمن خلّى بوجهي مراسيـم

وما يذبح الرجال مثـل الهزيمـه

بعض المصايب شرها ياكل الهيـم

وشلون بكبود الرجـال الكريمـه

وبعض المصايب يخلفن المفاهيـم

تبغى على ما قيل صبر وعزيمـه

مظلوم بالدنيـا وغيـري مظاليـم

من عرض ناسن لبسوهم جريمـه

ما عاد أبي من سود الأيام تعليـم

عقب العذاب اللي كلاني جحيمـه

ولو تصفي الدنيا علـيّ الملازيـم

ما عاد أدور من وراهـا غنيمـه

ممـآ رـآ‘ق لي .. أتمنىا أن يعجبـكم