|
أبطى مشاري والليالي طويله. الشاعر /سويلم الثبيتي
بســــــم الله الرحـــمن الرحــــيم يسرني أن أنقل لكم قصيدة الشاعر / سويلم بن هندي بن عيسان الثبيتي ,,رحــمه الله أبطى مشاري والليالي طويله..... وعيني تهل دموعها من عناها والقلب له خمسة شهور بغليله..... ونارٍ تزايد في ظميري سناها أضحك وأسولف والسوالف جميله... وأبكي وأعاين فالنجوم وسماها يالله يامحي العظام الهزيله.... ياباسط ٍ سبع ٍ وسبع ٍ بناها يامزيل ضر أيوب ضرّه تزيله.... ياعايد ٍ يوسف لعين ٍ قصاها عين ٍ تردّى شوفها من هجيله.... وشمّ القميص وريح يوسف دواها باسمك وجاهك يامنشّ المخيله.... ترجع لنا نور البلاد وذراها الشيخ وابن الشيخ عز القبيله... قبيلة ٍ لافرّق الله عصاها نضرب بها روس القلوب العليله..... ولولا الحمايا الدار كلّن غزاها دار ٍ حميناها بخشم الفتيله..... وشلف ٍ نروّي حدها من عداها واليوم صارت قسم واحد نحيله..... خشر الخوان بورث أبونا نفاها وإن كان مازبّن مشاري دخيله.... أرضن نبا نفنى ويابس ثراها لاشك ماأرضى من هل العلم ميله.... عيال الشيوخ اللي طوال ٍ خطاها اللي ليا شان الدهر ترتكيله..... وبيوتهم يفرح بها من نصاها |
رد: أبطى مشاري والليالي طويله.... الشاعر /سويلم ال
صح السانه والله يرحمه ويسكنه فسيح جناته
ولاهنت يا ابو عبدالرحمن على الطرح وننتظر جديدك لك تحيااااااااتي الخاصه صقر عتيبة |
رد: أبطى مشاري والليالي طويله.... الشاعر /سويلم ال
صح لسانك .. ولسان قايلها رحمه الله . .
و يعطيك العافية على الطرح .. دمت بخير خالص الود .... |
رد: أبطى مشاري والليالي طويله.... الشاعر /سويلم ال
رحم الله الشاعر واسكنه فسيح جناته
ابو عبدالرحمن سلمت يمينك وبيض الله وجهك على نقل هذه القصيده الجميله والاختيار الموفق ...لك التحيه والتقدير |
رد: أبطى مشاري والليالي طويله. الشاعر /سويلم الثبي
صــــقر عتيبه
مشكور على مــرورررك الراقي لاهنت تقبل تحياتي |
رد: أبطى مشاري والليالي طويله. الشاعر /سويلم الثبي
اخـــوي السيف
شرفتي بمروررررك بصفحتي لاهنت تقبل تحياتي |
رد: أبطى مشاري والليالي طويله. الشاعر /سويلم الثبي
بن عميــــش
الله يبيض وجهك سلمت يالغالي مروررررك شرف لي ودعـــم لاهنت تقبل تحياتي |
| الساعة الآن 07:12 PM |
Powered by vBulletin® Copyright ©2000 - 2025, Jelsoft Enterprises Ltd. TranZ By Almuhajir