يالله يا عالم خفيات الأحوال=يا منقذ(ن)يوسف من السجن والقيد
يا منزل الفرقان بقصار وطوال=وأحكمت أياته ورُتل بتجويد
تنقذ عبادك من شديدات الأهوال=صارت حياة الناس شدة وتشديد
شيء(ن)يقال وشيء ماهو بينقال=والخاتمة مافيه فيدة ولا فيد
أرزاقنا راحت نهائب لمحتال=كل الذي نكسبه ما يسد تسديد
أكبر مصيبة نصب هاتف وجوال=شالت حلال الناس من غير تحديد
مابين كول ونت وأصناف مرسال=عدادهم شغال ويدبل القيد
يحملونك حمل ما هو على البال=وليا اتصلت بخدمة القوم تنكيد
تلقا الغثا ودعاية(ن)تاخذ ليال=يرددون الشرح مليون ترديد
ياليت رقمي كان مصدره نيبال=والا مطلع رقم من وسط مدريد
أخير من إس تسي وموبال=هذا مثل هذا وعمر(ن)مثل زيد
خدمة فلس يا علها يوم تنزال=يرتاح منها سيد(ن)ما لقا سيد

الف شكر لك على هذا الرد الطيب



لا يهمك قدها وقدود بس ياليت يسوونها



بارك الله فيك



لك خالص تحيتي

بن هليل

صح لسانك وسلمت يمينك

كل يوم نسمع ونقراء عن النصب ومن شركات

لها أسمها في البلد

وانما نقول (حسبنا الله ونعم الوكيل )

تقبل تخـــــــــــــــــياتي