حيرتني مابين حب(ن)وإعجاب=والفرق شاسع بينها وأنت تدري
الحب مثل النار بالجوف لهاب=والا العجب يزول بالوقت بدري
وأنا معك ضيعت راجحت الألباب=ماني بعارف كيف ببيع وأشري
أخاف أقرب منك وأعود مرتاب=والا أبعد عنك ويقل قدري
أخاف من زلة تسبب لي عتاب=والا يجيني رد ما فيه عذري
أخاف أقل لك شيء وأصير كذاب=والا أصدق شيء ماهو بفكري
كل كلمة أحسب لها منك حساب=لا يكون معناها مخالف لأمري
أحيان أحسك نسمة الشوق لأحباب=وأحيان أحسك نار عاصف يعصري
أبعد من الأبعاد وأقرب من أقراب=وأعذب من الأنفاس في جوف صدري
أشتاق لك شوق المجاريح لأطباب=وأدورك في كل وجهة وأهذري
بسمك أنادي كل ماشي وركاب=وأحضن طيوفك كل صبح وعصري
طيفك معي مايوم عن دنيتي غاب=بحضنه حي وبحضنه جوف قبري
لو قلت لك القلب ياحبيبي ذاب=ماني بكاذب وأنت تعرف بسري
غلبتني بالشوق والشوق غلاب=ياسيد الأحباب يا بعد عمري
هذا القدر ما بيننا حط الأسباب=قدر لنا الأرزاق والعمر يجري
الله جعل مابيننا صهر وأنساب=اللي كتبه الله لا بد يسري
كل ما فتحت لباب ينصك لي باب=على أمل في يسر من بعد عسري
قالوه يالله من ترجاك ما خاب=تكتب لنا من بعد عسر(ن)بيسري
يامبعد الأقراب ومقرب أغراب=كل شيء واضع له نظام بقدري
قرب لنا الأبعاد يارب الأرباب=يارب هونها بعد قل صبري

قالوه يالله مـن ترجـاك مـا خـاب
تكتب لنا من بعـد عسر(ن)بيسـري

يامبعـد الأقـراب ومقـرب أغـراب
كل شيء واضع لـه نظـام بقـدري


الله الله الله

بن هليل

صح لسانك وعلا شانك

بيض الله وجهك قصيده راااائعه

وفي قمة الجمال

تقبل تحــــــــــــــياتي

صح بدنك بارك الله فيك



لك خالص تحيتي

الف شكر لردك الطيب وحضورك الرائع



لك خالص تحيتي

بارك الله فيك




سعدت بحضورك وردك الطيب

صح بدنك ولا هنت



سعدت بردك الطيب



بارك الله فيك