يا قلب لا تحزن ترى مابه حياه بلا عذاب = اصبر على جور الدهر لو الليالي قاسيه
ياقلب لا تشكي لغير الله لو الراس شاب = الشيب مابه عيب ماغثرب ينابع صافيه
يا قلب لا تحزن ولو جوك ملبد بالضباب = لا بد ما ينزاح عنَك مثل موت الباميه
خلك شديد الباس لا تخشى من سهوم السراب = أزرع بذور الحلم في عز الشموس الحاميه
دنيا الفتى مابين برد وبين حر وبين ناب = ليا رحل خلف ورى ظهره فعول(ن) باقيه
خل الفعول اللي تعقبها مثل وبل السحاب = حذراك تترك بعد موتك الفعول الخاسيه
العلم والتقوى مفاتيح التآمل والصواب = ومن الخطأ ومعاشره تلقا الثنينه ناهيه
صل الفروض وحج بيت الله ورتل الكتاب = هي نهرك الصافي ليا صكت عليك الظاميه
صوم رمضان وزك مالك ونتظر يوم الحساب = وحافظ عليها واغتنم كل الخصال الساميه
والوالدين أمش برضاهم لو على قطع الرقاب = في برهم تلقا السعاده والليال الدافيه
نهار تنزع منك روحك وانت توضع بالتراب = بيوم الحشر ماينفعك مالك وزاد العافيه
يا قلب لا تحزن ترى مابه حياه بلا عذاب = اصبر على جور الدهر لو الليالي قاسيه

صح الله لسااااااااااانك

قصيده رائعه وجزله من شاعر جزل

الله يعطيك العافيه


تقبل تحياتي

المشاركة الأصلية كتبت بواسطة أبو ناصر (المشاركة 100190) صحّ لسانك يالذيب وافية من راس وافي وشاعر وانا أخوك مافيك حيلة تقبل تواضع مروري