يابن هليل علاك افكار تخرب بلد= الموت جبته وترميبه على الغافلين
ماكل واحد معه ياالذيب صبر وجلد= واللي جسر فالمواقف قام عزمه يلين

أفكاري أنا كثيرة والركد الركد=الداب لا يقرصك وأبلش بكثر الونين
ماني مدور بدالك يا رفيقي سعد=دامك تعرف التصرف وثقه باليدين

مادام جنبت تبغاها طبول ومرد= ابشر لادوخك لين تصحي النايمين
اثر الرمد مايفارق عين راع الرمد= مار الدوى عندنا قطره على بنسلين

يا صاحبي لا تقوم فارس(ن)لا رقد=لا تقربه خذ عنه يسار والا يمين
لا يلمخ العين ويطير حسين البرد=يا صاحبي لا تسوي صنعة ام القرين

ماهو بطبعي ولا اقرب من دروب النقد = لكن ماني بجاهل فيك ياابو الحصين
اسوقها بالسعد وتسوقها بالجهد= اثرك من اللي يحبون الحسن والحسين

أخر زمان السحيلي يحب انه فهد=وإن كان منته بداري العرب خابرين
تسوقها بالسعد وتعود لك بالنكد=ومن كان له ظهر ما يشتالها بالبطين